«Усіх замежнікаў, якія жывуць у ЗША і далучыліся да пратэстаў у падтрымку джыхаду, мы папярэджваем: у 2025 годзе мы вас знойдзем і дэпартуем», — заявіў Трамп.
Прэзідэнт ЗША Дональд Трамп падпісаў указ, накіраваны на барацьбу з антысемітызмам, які прадугледжвае дэпартацыю замежных студэнтаў і іншых неграмадзян, што ўдзельнічалі ў прапалесцінскіх пратэстах, піша Радыё Свабода.
Паводле інфармацыйнага бюлетэню Белага дома, Міністэрства юстыцыі прыме неадкладныя меры каб выяўляць і пераследаваць пагрозы падпалаў, вандалізму і гвалту ў дачыненні да амерыканскіх габрэяў, мабілізуючы ўсе федэральныя рэсурсы для барацьбы з ростам антысемітызму ва ўніверсітэцкіх гарадках і на вуліцах пасля нападу палестынскай ісламісцкай групоўкі ХАМАС на Ізраіль 7 кастрычніка 2023 года.
Трамп заявіў: «Усіх замежнікаў, якія жывуць у ЗША і далучыліся да пратэстаў у падтрымку джыхаду, мы папярэджваем: у 2025 годзе мы вас знойдзем і дэпартуем».
Ён таксама паабяцаў ануляваць студэнцкія візы ўсіх прыхільнікаў ХАМАС ва ўніверсітэцкіх гарадках, адзначыўшы, што кампусы «як ніколі раней заражаныя радыкалізмам».
Праваабарончыя арганізацыі і юрысты сцвярджаюць, што такая мера парушае канстытуцыйныя правы на свабоду слова і, верагодна, прывядзе да судовых пазоваў.
Кэры ДэСэл, старшы юрыст Інстытута Першай папраўкі імя Найта пры Калумбійскім універсітэце, падкрэсліла, што Першая папраўка абараняе ўсіх у ЗША, уключаючы замежных студэнтаў, і дэпартацыя на падставе палітычных выказванняў будзе неканстытуцыйнай.
Рада па амерыкана-ісламскіх адносінах, буйная мусульманская праваабарончая група, заявіла аб намеры аспрэчыць указ у судзе, калі Трамп паспрабуе яго рэалізаваць.
Многія прапалесцінскія пратэстоўцы адмаўляюць падтрымку ХАМАС ці ўдзел у антысеміцкіх дзеяннях, заяўляючы, што яны выступаюць супраць ваенных дзеянняў Ізраіля ў Газе, дзе, паводле даных органаў аховы здароўя, загінула больш за 47 000 чалавек.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу4
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1818
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх18
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары