«Зяленскі купіў рэзідэнцыю Гітлера». Вось адкуль прапаганда ўзяла новы фэйк
Услед за крамлёўскімі медыя фэйк падхапілі лукашэнкаўскія.
Пра тое, што Уладзімір Зяленскі нібыта набыў рэзідэнцыю «Арлінае гняздо» ў Альпах у Баварыі, якая належала Адольфу Гітлеру, напісалі розныя пракрамлёўскія СМІ: «Газета.ру», «Аргументы і Факты», «Маскоўскі камсамолец».
Падхапілі і дзяржаўныя беларускія, напрыклад, АНТ.
Крыніцай гэтай інфармацыі стаў тэлеграм-канал супрацоўніка пракрамлёўскага агенцтва «Россия Сегодня», члена Грамадскай палаты Армена Гаспарана, піша The Insider. У публікацыі Гаспаран спасылаецца на нейкае нямецкае выданне Aktuelle Nachrichten in Deutschland («Бягучыя навіны ў Германіі»).
Інтэрнэт-архіў упершыню выявіў гэта медыя 14 снежня 2024 года, да гэтага ніякіх прыкмет яго існавання не было. «Відаць, гэта чарговае фэйкавае выданне, створанае расійскімі прапагандыстамі для дэзінфармацыйнага ўкіду», — піша The Insider.
Журналісты таксама вывучылі «дамову куплі-продажу», апублікаваныя Aktuelle Nachrichten in Deutschland. Дакумент падпісаны чыноўніцай з іншай адміністрацыйнай акругі, а яе імя і пасада чамусьці схаваныя.
Акрамя таго, інфармацыя пра тое, што рэзідэнцыя будзе закрытая для турыстаў, таксама аказалася ілжывай: славутасць закрылі на зіму, адкрыццё чакаецца 9 мая 2025.
«Газета.ру» пазней выдаліла фейк.
Гэта ўжо не першы раз, калі прапаганда Пуціна і Лукашэнкі запускае фэйкі пра Зяленскага і яго атачэнне. Напрыклад, летась укідвалася навіна пра тое, што Алена Зяленская нібыта купіла шыкоўны аўтамабіль Bugatti за $4,5 мільёна. Для распаўсюду фэйку таксама стваралі фальшывы французскі СМІ.
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам51
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4646
Каментары