У Мінску паціху ліквідуюць смеццеправоды, але татальнага закрыцця не плануецца
Сёлета ў сталіцы плануюць закансерваваць больш за 1,8 тыс. смеццеправодаў у рамках Нацыянальнай стратэгіі па абыходжанні з цвёрдымі камунальнымі адходамі і другаснымі матэрыяльнымі рэсурсамі. Але ў параўнанні з тым, колькі іх яшчэ ёсць, гэта кропля ў моры, пішуць «Мінск-Навіны».
«У адпаведнасці з Жыллёвым кодэксам Беларусі закрыццё смеццеправодаў можа быць выканана на падставе рашэння, прынятага ўдзельнікамі сумеснага домаўладання. Гэта значыць, што без згоды жыхароў кансервацыя забараняецца», — паведамілі ў Мінскай гарадской жыллёвай гаспадарцы.
У сталічных шматпавярхоўках цяпер функцыянуюць больш за 7 тыс. смеццеправодаў. За мінулы год удалося закрыць каля 200. Таму, напэўна, работы расцягнуцца не на адзін год.
Як адзначаюць спецыялісты, на карысць ліквідацыі смеццеправодаў ёсць некалькі аргументаў. З часам канструкцыя пакрываецца брудам і робіцца ачагом хваробатворных бактэрый і мікробаў. З'яўляецца непрыемны пах, які пранікае ў тым ліку і ў кватэры. А пры няправільным выкарыстанні смеццеправод можа стаць крыніцай шуму або пажару.
Жыхары дамоў са смеццеправодам, як правіла, не сартуюць адкіды, нават калі ў двары ёсць кантэйнеры для іх паасобнага збору. Немалаважна і тое, што праз смеццеправод выходзіць цяпло з пад'ездаў і кватэр.
Альтэрнатывай смеццеправодам у Мінскай гарадской жыллёвай гаспадарцы назвалі модульныя кантэйнерныя пляцоўкі закрытага тыпу. У 2024 годзе ўстаноўленыя 742 канструкцыі, а ў гэтым годзе маюць намер паставіць яшчэ 711.
Каментары
заваривать надо без всяких согласований с жильцами
а если какой-нибудь российский пенс купит в скворечнике хату себе с видом на мусорные контейнеры, и они (мусорные контейнеры) будут мешать ему (типа эстету) созерцать закат? вы подумали об этом?