«Вось табе і змена пакаленняў, ратацыя і ўсё астатняе».
Аналітык Сяргей Чалы ў новым выпуску сваёй праграмы звярнуў увагу на словы Лукашэнкі падчас выязнога семінара па сельгастэматыцы: ён быў незадаволены працай сваіх упаўнаважаных у рэгіёнах і памочнікаў. Звярнуўшыся да кіраўніка сваёй адміністрацыі Дзмітрыя Крутога, Лукашэнка сказаў:
«Памочнік павінен быць замкнуты на цябе, і ты мне дакладваеш аб гэтым».
«Разумееце, што адбываецца? Дзмітрый Круты становіцца па сутнасці віцэ-прэзідэнтам», —
заўважае Чалы і згадвае, што гэта не першая прыкмета ўзмацнення фігуры Крутога. Так, нядаўна чыноўніку было даручана ўзначаліць камісію па фарміраванні новага ўраду.
«Ён кажа: што я буду сам, як заўсёды, у чарговы раз па старой схеме, урад прызначаць? Давай ты мне яго прыдумаеш. Што я буду гэтых памочнікаў слухаць? Іх там шмат, іх сам я не памятаю, колькі іх там. Давай, яны на цябе будуць завязаны», — інтэрпрэтуе дзеянні Лукашэнкі Чалы.
«Памочнікі прэзідэнта завязаны на кіраўніка адміністрацыі. Ну так назавіце іх — памочнікі кіраўніка адміністрацыі. Ці прызнайце ўжо, што ёсць, як у Амерыцы Трамп, які выконвае піяр-функцыі, а ёсць ценявы прэзідэнт, які выконвае ўсё астатняе», —
прапаноўвае аналітык і дадае:
«Вось табе і змена пакаленняў, ратацыя і ўсё астатняе».
Цяпер чытаюць
«На выбарах прэзідэнта я б галасаваў за Латушку». Гутарка з патэнцыйным спікерам КР Арцёмам Бруханам — пра смерць маці, татуіроўкі і Мельнікаву4
«На выбарах прэзідэнта я б галасаваў за Латушку». Гутарка з патэнцыйным спікерам КР Арцёмам Бруханам — пра смерць маці, татуіроўкі і Мельнікаву
«Я сказаў на відэа, што мяне не катуюць — на той момант гэта было праўдай. А праз дзве гадзіны мяне збілі». Украінскі журналіст два гады правёў у расійскім палоне — вось што ён перажыў11
Каментары