У Мінск прыляцеў рэдкі самалёт. Што за ён і чаму ў такім выглядзе?
У авіяцыйных суполках заўважылі, што ў Мінск прыляцеў рэдкі самалёт. Ён яшчэ без афарбоўкі — у заводскіх зеленаватых колерах. У авіяблогу bmpd распавялі, што гэта новы асобнік Ту-214, які паляцеў у Мінск на фарбаванне, піша Blizko.by.
Яшчэ 27 снежня 2024 года на аэрадроме Казанскага авіяцыйнага завода імя Гарбунова — філіяла ПАТ «Тупалеў» (у складзе ПАТ «Аб'яднаная авіябудаўнічая карпарацыя» дзяржкарпарацыі Растэх) здзейсніў першы палёт чарговы пабудаваны на гэтым прадпрыемстве самалёт Ту-214.
Борт з заводскім нумарам (кароткім) 035, серыйным нумарам 535 і рэгістрацыйным нумарам RA-64535 быў пабудаваны ў якасці VIP-салона для Міністэрства прамысловасці і гандлю Расійскай Федэрацыі і стаў першым новым самалётам Ту-214, паднятым у паветра за тры з паловай гады.
Паведамляюць, што 24 лютага 2025 года самалёт RA-64535 здзейсніў пералёт з Казані ў Мінск для правядзення фарбавання.
Сумарна да цяперашняга часу на Казанскім авіязаводзе пабудаваныя 35 самалётаў Ту-214, а агульная колькасць машын сямейства Ту-204/Ту-214, пабудаваных у СССР і Расіі з 1989 года, разам з вопытнымі ўзорамі, склала 91 адзінку. Што робіць гэты самалёт досыць рэдкім.
Цікава, што ні ААК, ні Растэх дагэтуль не расказвалі пра гэты самалёт, нават пад Новы год не зрабілі справаздачу па ім. Але дзякуючы спотарам мы можам убачыць новенькі Ту-214 у неафарбаваным выглядзе 24 лютага 2025 года пры вылеце з Казані і пасадцы ў Мінску.
У першапачатковых планах урада РФ да пачатку 2025 года павінны былі быць пабудаваныя 3 лайнеры ў 2023 годзе і 7 лайнераў у 2024 годзе, а з 2025 года ўжо павінны былі выйсці на магутнасць у 10 штук у год (якую потым стараннямі мясцовых уладаў яшчэ і паднялі да 20). Але рэальнасць аказалася больш складанай, таму першапачатковыя планы выкананыя ўсяго толькі на ⅒.
Цяпер чытаюць
«Вітольд казаў: «Ну што вы, што вы…» А мянты пасля крычалі пра мора крыві». Палітвязень з суседняй камеры расказаў пра смерць Ашурка5
Каментары