Прэс-служба МНС паведаміла пра ўзгаранне на тэрыторыі прадпрыемства ў аграгарадку Грычына Дзяржынскага раёна.
Скрыншот з відэа
Паведамляецца, што да ліквідацыі пажару прыцягнутыя 8 аўтацыстэрнаў, аўтадрабіна і аўтакаленчаны пад'ёмнік.
Пасля ратавальнікі паведамілі, што ліквідавалі пажар на прадпрыемстве па вытворчасці кампазітных матэрыялаў. Па прыбыцці падраздзяленняў МНС было ўстаноўлена, што гарыць аднапавярховы будынак памерам 50х65 метраў.
У выніку пажару ніхто з людзей не пацярпеў. Агнём знішчаныя дах і маёмасць, якая знаходзілася ў будынку, пашкоджаны сцены па ўсёй яго плошчы.
Цяпер ратавальнікі праводзяць праліўку і разборку канструкцый. Прычына пажару высвятляецца.
Каментары