ЗША адмянілі новыя гандлёвыя мыты для камп'ютараў і смартфонаў. У тым ліку і з Кітаем
Адміністрацыя прэзідэнта ЗША Дональда Трампа вывела з-пад рэжыму ўзаемных гандлёвых мытаў смартфоны, камп'ютары і іншую электроніку. Гэта тычыцца і кітайскіх паставак, якія раней былі абкладзены 145-працэнтным зборам, паведамляе Bloomberg са спасылкай на дадзеныя мытнай і памежнай службы ЗША.
Са спісу тавараў, якія будуць абкладацца пошлінамі ў рамках «гандлёвай вайны» Трампа, выключаныя смартфоны, ноўтбукі, цвёрдыя дыскі, чыпы памяці, камп'ютарныя працэсары і машыны для вытворчасці паўправаднікоў, большую частку якіх ЗША імпартуюць. Значная частка пералічаных прылад увогуле не вырабляецца ў ЗША. Каб наладзіць мясцовую вытворчасць, спатрэбяцца гады.
Канал CNBC дадае, што мыты таксама знятыя з сонечных элементаў, плоскіх тэлевізійных дысплеяў, флэш-назапашвальнікаў і картаў памяці.
Bloomberg адзначае, што гэтая мера дапаможа пазбегнуць «шакавальнага росту цэнаў» для амерыканскіх спажыўцоў і будзе выгадная кампаніям, якія вырабляюць электроніку — Apple, Samsung і Taiwan Semiconductor Manufacturing.
Зрэшты, частковае зняцце мытаў можа быць часовым крокам. Гэта зроблена, каб пазбегнуць «падвойнага абкладання», тлумачыць агенцтва.
Гаворка ідзе пра тое, што шэраг тавараў мог трапіць адначасова пад «агульнанацыянальную стаўку» для якой-небудзь краіны і пад дадатковую сектаральную (на электроніку) у 25%.
Верагодна, на некаторыя пазіцыі пазней увядуць асобны, больш нізкі тарыф. Гэта, у прыватнасці, закране паўправаднікі, для якіх Трамп раней абяцаў увесці спецыяльны збор, але пакуль гэтага не зрабіў.
Трампавы мыты вызвалілі расійскую нафту ад заходніх санкцый
Трамп расчараваны сваімі дарадцамі з-за вынікаў увядзення пошлін
Хто прымусіў Трампа раптоўна адмовіцца ад увядзення тарыфаў
Амерыканскія біржы ўзляцелі пасля таго, як Трамп даў задні ход з пошлінамі. Услед за імі растуць і азіяцкія
Трамп падымае мыты супраць Кітая да 125%, прыпыняе іх супраць іншых краін
Цяпер чытаюць
Дзе працуюць і як выглядаюць жонкі топ-чыноўнікаў?10
Каментары