Расіі пагражаюць новыя санкцыі, калі не будзе пагаднення аб перамір'і да канца красавіка
Спецыяльны дыпламатычны пасланнік Трампа Стыў Уіткаф наведаў Расію і сустрэўся з прэзідэнтам Уладзімірам Пуціным у пятніцу, піша Axios.
Напярэдадні сустрэчы Уіткафа з Пуціным, Трамп напісаў у сваёй сацсетцы Truth Social: «Расія павінна пачаць дзейнічаць. Занадта шмат людзей ГІНЕ — тысячы штотыдзень — у жудаснай і бессэнсоўнай вайне. Вайне, якой ніколі не павінна было быць і якой не было б, калі б я быў прэзідэнтам!!!»
Трамп выказаў незадаволенасць тым, што перамовы за апошнія тыдні не прынеслі значнага прагрэсу, і ў нейкі момант заявіў, што ён «раззлаваны» выказваннямі Пуціна пра Украіну.
Калі да канца месяца не будзе дасягнута перамір’я, Трамп можа ўвесці дадатковыя санкцыі супраць Расіі альбо праз выканаўчыя паўнамоцтвы, альбо звярнуўшыся да Кангрэса з просьбай прыняць новы санкцыйны закон, паведаміла крыніца, знаёмая з сітуацыяй, піша Axios.
«Мы даведаемся даволі хутка — на працягу некалькіх тыдняў, а не месяцаў — ці сур’ёзна Расія ставіцца да міру. Спадзяюся, што так», — сказаў Дзяржсакратар Марка Рубіа на мінулым тыдні на палях саміту НАТА ў Бруселі.
На мінулым тыдні Уіткаф прымаў Дзмітрыева ў Вашынгтоне ў спробе зрушыць перамовы з мёртвай кропкі.
У той час як Украіна пагадзілася з прапановай Трампа аб безумоўным перамір’і і ўслед за гэтым — з планамі па марскім перамір’і меншага маштабу, Расія вылучыла шэраг новых патрабаванняў, у тым ліку — зняцце часткі амерыканскіх санкцый.
«Мы рухаемся наперад. Спадзяемся, што мы ўжо адносна блізка да дамовы паміж Расіяй і Украінай аб спыненні баявых дзеянняў», — заявіў Трамп у чацвер падчас пасяджэння Кабінета.
Цяпер чытаюць
23‑гадовага афіцэра брыгады спецназа асудзілі на 19 гадоў за «здраду дзяржаве»13
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары
Але на гэта Трамп па вядомых прычынах не пойдзе