«Мы вінаватыя. У гэтай вайне ёсць і наша віна». Журналісты Washington Post пабывалі ў Гомельскай вобласці
Журналісты амерыканскага выдання наведалі Новую Гуту ў Гомельскай вобласці на беларуска-ўкраінскай мяжы. У сваім рэпартажы яны падзяліліся некаторымі меркаваннямі мясцовых жыхароў аб сітуацыі ў краіне, іх адносінах да вайны і да Расіі.
У сваім рэпартажы журналісты The Washington Post апісваюць настроі ў прыгранічнай Новай Гуце. Раней па трасе ў гэтым населеным пункце ў пікавыя дні праязджалі 15 тысяч чалавек і 7 тысяч машын.
Жыхары Новай Гуты, паводле аўтараў рэпартажу, глыбока шкадуюць пра вайну і з панурымі тварамі згадвалі свой шок у тую ноч тры гады таму, калі калоны расійскай бранятэхнікі прайшлі праз населены пункт, а ў небе рваліся ракеты. Некаторыя баяцца, што вайна можа паглынуць і Беларусь.
Мясцовая жыхарка распавяла, што ў вёсцы баяцца, што Беларусь можа паўтарыць лёс Украіны:
«Хто не звяртае на гэта ўвагі, таму ўсё роўна. А тыя, хто разумеюць, баяцца, што Беларусь ператворыцца ў маленькую Расію».
Як кажа жанчына, яе сястра ва Украіне перастала падтрымліваць сувязь пасля пачатку вайны. Такія гісторыі сустракаюцца і ў іншых жыхароў вёскі, у якіх ёсць сваякі па той бок мяжы.
«Мы вінаватыя. У гэтай вайне ёсць і наша віна», — цытуе выданне словы мясцовай жыхаркі.
Памежнікі ж, з якімі далі пагаварыць журналістам, не асуджалі нападу Расіі на Украіну.
«Нам тут не пашанцавала з нашай гісторыяй», — цытуюць словы памежніка Андрэя аўтары рэпартажу. — «У гэтай вайне загінула так шмат людзей. Пралітую кроў забудуць толькі праз некалькі пакаленняў».
Андрэй дадаў, што ўкраінцы павінны зразумець: супраціўленне Расіі бессэнсоўнае — яны ніколі не мусілі спадзявацца на перамогу ў гэтай вайне. У часы глабальнай нестабільнасці, адзначыў ён, малыя краіны павінны выбіраць большых партнёраў.
Антон Быкоўскі, прэс-сакратар Дзяржаўнага памежнага камітэта Беларусі, у размове з журналістамі выказаўся ў падобным духу: «Калі сярэдні брат ваюе са старэйшым, малодшыя браты робяць усё, каб у сям’і быў парадак і не было разладу».
Замежных журналістаў розных выданняў арганізавана вазілі на пункт пропуску «Новая Гута» 28 студзеня 2025 года.
«Прачытайце яе гісторыю». Лукашэнку давялося апраўдвацца перад Пуціным за георгіеўскія стужкі11
Каментары
Не першы раз такія сэнсавыя дэвіяцыі ў загалоўках.