Трамп пракаментаваў трагедыю з амерыканскімі вайскоўцамі на палігоне ў Літве
Прэзідэнт ЗША праінфармаваны аб няшчасным выпадку ў Падброддзі, дзе патанула ў балоце гусенічная машына M88 Hercules і былі знойдзеныя целы траіх салдат. Ён выказаў сваю версію, што машына, верагодна, саслізнула ў балота, піша Delfi.lt.
На пытанне, ці ёсць у яго свежая інфармацыя аб зніклых у Літве амерыканскіх вайскоўцаў, прэзідэнт ЗША адказаў: «Так, ёсць».
«Траіх з іх ужо няма сярод нас, чацвёртага, верагодна, таксама, але гэта пакуль не пацверджана. Гэта быў вельмі цяжкі аўтамабіль, вельмі цяжкі, і, падобна, што бераг гэтага возера абваліўся. Была ноч, было вельмі халодна, шмат лёду. Мусіць, яны слізганулі, бо гэта вельмі вялікая і цяжкая тэхніка. Хутчэй за ўсё, так і здарылася, яны саслізнулі. Траіх больш няма з намі, а адзін знік», — сказаў Дональд Трамп, словы якога прыводзіць Forbes у сваім відэароліку.
Delfi удакладняе, што хоць уначы ў Літве бывае мінусавая тэмпература, але лёду няма нават у лясах.
У той жа час дзяржсакратар ЗША Марка Рубіа ў сацыяльнай сетцы X падзякаваў Літве за намаганні па пошуку амерыканскіх вайскоўцаў.
Цяпер чытаюць
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1414
Каментары