Міністэрства антыманапольнага рэгулявання і гандлю выявіла мноства парушэнняў падчас маніторынгу гандлёвых аб'ектаў сеткі «7 пятніц», паведаміла прэс-служба МАРГ.
Усяго ў гандлёвай сетцы «7 пятніц» больш за 200 аб'ектаў і, паводле інфармацыі ведамства, парушэнні былі выяўленыя ў кожным гандлёвым пункце.
У прыватнасці, як адзначылі ў МАРГ, на ўсіх аб'ектах не выконваўся пералік тавараў, абавязковых да продажу, адсутнічалі цэннікі, не было інфармацыі пра нумар ліцэнзіі.
«У дзвюх крамах (г. Мінск, г. Магілёў) знятыя з рэалізацыі тавары са скончанымі тэрмінамі прыдатнасці», — гаворыцца ў паведамленні.
МАРГ накіраваў рэкамендацыі па ліквідацыі парушэнняў, таксама ім выдадзена прадпісанне аб забароне продажу прадукцыі, у якой скончыліся тэрміны прыдатнасці.
Сярод іншага, як адзначылі ў ведамстве, юрыдычнай асобе — ўладальніку сеткі выдадзена прадпісанне адносна парушэння закона аб рэкламе. Парушэнне загадана ліквідаваць у трохдзённы тэрмін.
Цяпер чытаюць
Вандроўнік і бізнэсовец з Мінска за два дні знайшоў сабе праз сацсеткі нявесту — найбольш спадабалася дзяўчына з Расіі18
Каментары