Трамп пра краіны, супраць якіх увёў пошліны: Яны тэлефануюць, дупу мне цалуюць, хочуць заключыць здзелку
Прэзідэнт ЗША выказаўся аб лідарах краін, супраць якіх яго адміністрацыя ўвяла тарыфы.
Прэзідэнт ЗША Дональд Трамп заявіў, што многія краіны накіроўваюць у Вашынгтон перамоўшчыкаў, каб заключыць здзелкі і палегчыць уведзеныя яго адміністрацыяй тарыфы. Прычым заяву ён зрабіў у не вельмі паважлівым тоне.
Трамп даў зразумець, што гатовы да перамоваў. Пры гэтым канкрэтныя ўмовы адмены пошлінаў невядомыя, піша CNN.
«Гэтыя краіны нам тэлефануюць. Дупу мне цалуюць. Яны паміраюць, так хочуць заключыць здзелку. [Яны кажуць] Калі ласка, калі ласка, спадар, давайце заключым здзелку. Я зраблю ўсё, што заўгодна, спадар», — сказаў Трамп на сустрэчы з рэспубліканцамі.
Амерыканскі прэзідэнт не лічыць, што гандлёвая вайна з усім светам — гэта сапраўдная вайна.
«Я сапраўды лічу, што [гандлёвая] вайна з светам — гэта зусім не вайна, бо ўсе яны едуць сюды. Японія ляціць сюды зараз. Яны ў самалёце, шмат людзей. Усе жорсткія перамоўшчыкі», — распавёў Трамп.
Па яго словах, дэлегацыі з Японіі і Паўднёвай Карэі ўжо накіроўваюцца ў ЗША, прэм’ер-міністр Італіі прыбудзе ў Вашынгтон на наступным тыдні, а «праактыўны падыход» Ізраіля да заключэння новых гандлёвых пагадненняў з ЗША можа стаць узорам для ўсіх.
Амерыканскія дыпламаты раяць замежным урадам думаць нестандартна і выходзіць за рамкі чыста гандлёвых тэм пры падрыхтоўцы да перамоваў з адміністрацыяй.
Сярод ідэй — садзейнічанне вызваленню амерыканцаў, незаконна ўтрымоўваных за мяжой, супрацоўніцтва з амерыканскімі кампаніямі ў галіне ШІ, закупка амерыканскай энергіі або ўдзел у барацьбе з глабальным наркагандлем.
Пасля некалькіх дзён крытыкі з боку бліжэйшых саюзнікаў Трамп даў зразумець, што не сумняецца ў сваёй стратэгіі.
«Я выдатна ведаю, што раблю», — заявіў ён на сустрэчы з рэспубліканцамі.
2 красавіка Трамп абвясціў аб увядзенні пошлін на тавары з 185 краін свету. Індвідуальныя тарыфы пачнуць дзеянне 9 красавіка. Фондавыя рынкі сустрэлі рашэнне Трампа падзеннем.
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы38
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
(На мове трампа Трампу:)
...А Пуцін тваю дупу не цалуе. Ты цалуеш ягоную. І не маеш яец, каб паставіць яго на месца, ў сапраўды важнай справе.