Сёння каля 3-й гадзіны ночы аўтобус, у якім знаходзіліся 26 пасажыраў, на павароце перакуліўся і зваліўся ў кювет. Трохі пазней у аўтамабіль пажарнай службы, які прыбыў для аказання дапамогі, урэзалася фура.
Як паведаміў у эфіры TVPinfo Пётр Аўчарскі, прэс-сакратар ваяводскай станцыі хуткай дапамогі «Медыранс», сярод пацярпелых у аўтобусе пераважна грамадзяне Украіны, але таксама ёсць адзін беларус і адзін іспанец, піша Reform.news.
«Канчатковы вынік абедзвюх аварый — 17 чалавек атрымалі траўмы, двое з іх у цяжкім стане. Калі казаць пра пацярпелых, то гаворка ідзе пра аўтобус — гэта 15 чалавек. Сярод пацярпелых пераважна грамадзяне Украіны, а таксама грамадзянін Беларусі і грамадзянін Іспаніі ва ўзросце ад 17 да 59 гадоў. Таксама пацярпелі тры чалавекі польскай нацыянальнасці, у тым ліку пажарны з добраахвотнай пажарнай часткі «Давіды» і 48-гадовы вадзіцель грузавіка, таксама грамадзянін Украіны», — сказаў ён.
Паводле яго слоў, у пацярпелых дыягнаставаны траўмы галавы, грудной клеткі, верхніх і ніжніх канечнасцей. У большасці выпадкаў яны не ўяўляюць пагрозы для жыцця. Два чалавекі знаходзяцца ў цяжкім стане, адзін з іх — пасажыр аўтобуса. Лекары робяць усё магчымае, каб палепшыць іх стан.
Пётр Аўчарскі таксама паведаміў, што кабіна фуры была моцна пашкоджаная. Кіроўцу дасталі з яе з дапамогай гідраўлічнага абсталявання. У пажарнай машыне, акрамя кіроўцы, у момант сутыкнення знаходзіўся яшчэ адзін ратавальнік, які пераапранаўся.
Цяпер чытаюць
23‑гадовага афіцэра брыгады спецназа асудзілі на 19 гадоў за «здраду дзяржаве»15
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары