Журналісты атрымалі доступ да сакрэтных планаў расійскіх ядзерных вайсковых баз
Журналісты з дацкага выдання Danwatch і нямецкага Der Spiegel атрымалі доступ да сакрэтных планаў расійскіх ядзерных вайсковых аб’ектаў. Як высветлілася, гэтыя звесткі былі выпадкова апублікаваныя ў адкрытым доступе праз дакументы дзяржаўных закупак у Расіі, нягледзячы на ўведзеную ў 2020 годзе забарону, піша Руская служба «Радыё Свабода».
Даследчыкі прааналізавалі больш за два мільёны дакументаў і знайшлі сотні падрабязных планаў вайсковай базы стратэгічных ракетных войскаў у горадзе Ясны (Аранбургская вобласць). У дакументах падрабязна апісаныя ўнутраныя структуры базы: месцы захоўвання зброі, падземныя тунэлі, пакоі адпачынку, сталовыя, спальні і нават прыбіральні. Таксама згадваецца пра вучэбнае абсталяванне, якое выкарыстоўваецца салдатамі.
Былы супрацоўнік брытанскай ваеннай разведкі, які пракаментаваў гэты факт, назваў гэта сур'ёзным парушэннем бяспекі, бо такія звесткі могуць зрабіць аб’екты ўразлівымі да вонкавых атак.
Паводле расследавання, у Расіі налічваецца 11 асноўных аб’ектаў для захоўвання ядзернай зброі, большасць з якіх была мадэрнізаваная за апошнія 10 гадоў. Яны абсталяваныя сучаснымі сістэмамі аховы: электронны маніторынг, аўтаматычныя кулямёты і гранатамёты, а таксама сродкі супрацьпаветранай абароны.
Да гэтай уцечкі ў заходніх экспертаў былі толькі старыя планы савецкіх баз 1960—70-х гадоў. Цяпер жа журналісты апублікавалі прыклад аднаго з сучасных паверхаў базы.
Прапагандысты запэўніваюць, што 196 палітвязняў ужо на свабодзе8
Каментары
Першы сайт danwatch прылёг зараз.
Der Spiegel таксама піша пра ўдзел нямецкага канцэрну Knauf. Спецыфікацыі іх матэрыялаў сустракаюцца ў будаўнічай дакументацыі базы ракетных войск. Knauf кажа, што не парушае санкцыі, пры гэтым у РФ Knauf стварыў даччыныя фірмы, якія працуюць з выкарыстаннем мясцовага гіпсу. Тое ж самае з беларускім Knauf.