Кіроўца без правоў на Вялікдзень урэзаўся ў прыдарожны крыж
Кіроўца, які не мае правоў на кіраванне аўтамабілем, на Вялікдзень урэзаўся ў прыдарожны крыж у Полацкім раёне. Пра гэта паведамілі ў УДАІ МУС Беларусі.
24‑гадовы мужчына вечарам на ўездзе ў адну з вёсак не даў рады кіраванню машынай і ўрэзаўся ў прыдарожны крыж. Машына з’ехала ў левы кювет, кіроўца атрымаў цялесныя пашкоджанні, ад якіх памёр у шпіталі ўжо на наступны дзень.
Пакуль у міліцыі няма звестак пра тое, ці быў ён цвярозым або знаходзіўся ў стане алкагольнага ап’янення. Абставіны ДТЗ высвятляюцца.
Каментары