Славакія прапануе адкрыць авіярэйсы паміж Мінскам і Браціславай, а таксама паміж Менскам і Попрадам, размешчаным у Татрах.
Пра гэта паведаміў сёння на сустрэчы з журналістамі і прадстаўнікамі тураператараў Надзвычайны і Паўнамоцны Пасол Славакіі ў Беларусі Марыян Серватка.
Паводле амбасадара, адсутнасць прамых авіярэйсаў паміж Беларуссю і Славакіяй з’яўляецца асноўнай перашкодай для развіцця турызму і абмену турыстамі паміж краінамі. Рашэнне транспартнай праблемы дазволіць падняць узровень супрацоўніцтва ў сферы турызму на больш высокі.
Марыян Серватка плануе абмеркаваць магчымасці адкрыцця прамых авіярэйсаў з прадстаўнікамі Міністэрства транспарту і камунікацый Беларусі. Да гэтага адбылася сустрэча славацкага пасла і міністра спорту і турызму Алега Качана, на якой ужо абмяркоўвалася гэтае пытанне.
«У той жа час гэта напрамак трэба вывучаць, — адзначыў дырэктар дэпартамента па турызме Мінспорту Віктар Янкавенка. — Перш чым наладзіць прамое авіязносінаў, трэба пераканацца ў тым, што самалёты будуць загружаны». Зараз дабрацца з Беларусі ў Славакію на самалёце можна транзітам, у прыватнасці, праз Прагу.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі
Каментары