Лукашэнка: Дзяржава і ў далейшым будзе падтрымліваць дыялог каталіцкай і праваслаўнай цэркваў
Дзяржава падтрымлівае і ў далейшым будзе падтрымліваць дыялог каталіцкай і праваслаўнай цэркваў. Пра гэта заявіў Аляксандр Лукашэнка сёння ў час сустрэчы з Мітрапалітам Мінска‑Магілёўскай архідыяцэзіі (епархііЗ Рымска‑каталіцкай царквы ў Рэспубліцы Беларусь Тадэвушам Кандрусевічам у мінскім Архікафедральным касцёле імя Прасвятой Дзевы Марыі.
Кіраўнік дзяржавы падкрэсліў, што стала добрай традыцыяй абмяркоўваць надзённыя праблемы з кіраўніцтвам адной з асноўных канфесій — каталіцкай. «Лічу, што гэта добры сігнал нашаму грамадству, — сказаў Прэзідэнт. — Але я не хацеў бы, каб гэта сустрэча была чыста паказальнай, мы павінны абмеркаваць канкрэтныя пытанні, якія назбіраліся за мінулы год. Мы пагаворым таксама ў цэлым аб сітуацыі ў рэлігійнай сферы».
«Павінен сказаць, што ваша прысутнасць на Вялікдзень у праваслаўным саборы і наша з вамі сумеснае віншаванне былі дастойна ўспрыняты ў грамадстве», — адзначыў кіраўнік беларускай дзяржавы.
«Я рады, што такія добрыя адносіны складаюцца паміж каталіцкай і праваслаўнай канфесіямі, для мяне гэта вельмі важна, я буду гэта падтрымліваць», — дадаў Аляксандр Лукашэнка.
Цяпер чытаюць
«Калі шандарахне па цягніку, хто будзе лідарам дэмсіл?» Два дні з дэлегацыяй Ціханоўскай у Кіеве — што засталося за кадрам31
Каментары