Амерыканскія афіцыйныя асобы кажуць, што ЗША не далучаюцца да Ізраіля ў яго вайне з Іранам. Пра гэта паведамляе тэлевізійная кампанія CBS.
Белы дом. Фота: Walter Bibikov Getty Images
Паводле слоў суразмоўцаў CBS, тое, што Дональд Трамп тэрмінова пакідае саміт «вялікай сямёркі» і склікае Раду нацыянальнай бяспекі, не азначае, што ЗША далучацца да ўдараў па Іране.
Ізраільская газета Jerusalem Post піша, спасылаючыся на ананімных еўрапейскіх і амерыканскіх афіцыйных асоб, што Трамп, як чакаецца, прапануе Ірану «апошні шанец» падпісаць пагадненне аб адмове ад узбагачэння ўрану (і, адпаведна, спробаў завесці ядзерную зброю).
Каментары