Келаг плануе паездку ў Беларусь і сустрэчу з Лукашэнкам. Пры гэтым можа быць вызваленая група палітвязняў
Па інфармацыі «Нашай Нівы», візіт можа адбыцца ў пятніцу, 20 чэрвеня.
Спецыяльны прадстаўнік прэзідэнта ЗША па пытаннях Украіны Кіт Келаг плануе ў найбліжэйшыя дні наведаць Беларусь, каб сустрэцца з Аляксандрам Лукашэнкам, паведамляе Reuters са спасылкай на чатыры крыніцы.
Паводле слоў дзвюх крыніц, дакладны парадак дня сустрэчы невядомы, хаця Келаг у прыватных размовах назваў гэтую паездку крокам, які можа дапамагчы запусціць працэс мірных перамоў па спыненні вайны Расіі супраць Украіны.
Дзярждэп ЗША і пасольства Беларусі ў Вашынгтоне адмовіліся ад каментароў. Келаг і Белы дом не адказалі на запыты пра каментары.
Reuters адзначае, што планаванне падобных паездак патрабуе пільных перамоваў, і не выключана, што яна можа быць скасаваная або змененая ў апошні момант.
Па інфармацыі «Нашай Нівы», візіт можа адбыцца ў пятніцу, 20 чэрвеня. З нагоды прыезду амерыканскага прадстаўніка, як чакаецца, будзе вызваленая група палітвязняў.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары