Свет

Міністр абароны ЗША: Ядзерныя амбіцыі Ірана цалкам знішчаныя

Піт Хэгсет на першай прэс-канферэнцыі амерыканскага ваеннага камандавання пасля атакі на Іран заявіў пра яе неверагодны поспех. 

Міністр абароны ЗША Піт Хэгсет. Скрыншот відэа трансляцыі

«Гэта быў неверагодны і ашаламляльны поспех. Мы знішчылі іранскую ядзерную праграму», — сказаў Піт Хэгсет на прэс-канферэнцыі.

Кіраўнік Пентагона падкрэсліў, што ваенныя і цывільныя аб’екты не былі мэтай удару. Раней Іранскі Чырвоны Паўмесяц паведаміў, што ў выніку амерыканскай атакі ніхто не загінуў.

Атака на Іран, паводле слоў Хэгсета, не была накіраваная на змену рэжыму. 

Паводле папярэдняй інфармацыі, усе тры атакаваныя ядзерныя аб’екты Ірана атрымалі «надзвычай сур’ёзныя пашкоджанні і разбурэнні», — заявіў кіраўнік Аб’яднанага камітэта начальнікаў штабоў ЗША генерал Дэн Кейн. У адрозненне ад Трампа, ён не выкарыстаў слова «знішчаныя», адзначае The New York Times.

Аперацыя ЗША атрымала назву «Паўночны молат». Яна ўключала выкарыстанне 75 высокадакладных кіраваных боепрыпасаў, у тым ліку першае баявое прымяненне 14 прабівальных бомбаў — боепрыпасаў пранікальнага дзеяння GBU-57.

«Пакуль што занадта рана казаць, ці захаваў Іран нейкі ядзерны патэнцыял», — сказаў генерал Дэн Кейн у адказ на пытанні журналістаў.

У аперацыі ўдзельнічалі больш за 120 самалётаў, уключаючы стратэгічныя бамбардзіроўшчыкі B-2. Яны знаходзіліся ў паветранай прасторы Ірана 20 хвілін. Гэтая місія стала самай працяглай аперацыяй з удзелам B-2 з часу тэрактаў 11 верасня, адзначыў генерал Кейн.

Іран не атакаваў амерыканскія ваенныя самалёты падчас іх удараў па ядзерных аб’ектах, адзначыў генерал Дэн Кейн. Са свайго боку, Піт Хэгсет папярэдзіў Іран ад адказу на атаку ЗША, заявіўшы, што наступныя дзеянні Вашынгтона будуць яшчэ больш жорсткімі.

«Іранцам па розных каналах перадаюцца як публічныя, так і прыватныя паведамленні, што дае ім усе магчымасці сесці за стол перамоваў. Яны цудоўна разумеюць пазіцыю Амерыкі, якія менавіта крокі яны могуць зрабіць для дасягнення міру, і мы спадзяёмся, што яны гэта зробяць», — сказаў Хэгсет.

«Наша Нiва» — бастыён беларушчыны

ПАДТРЫМАЦЬ

Каментары

Цяпер чытаюць

Ці пагражае Крыму блакада праз паралізаваны Крымскі мост?16

Ці пагражае Крыму блакада праз паралізаваны Крымскі мост?

Усе навіны →
Усе навіны

Зяленскі, а таксама ў Крамлі пракаментавалі ўдар па Крымскім мосце9

«У цябе апошні дзень». Беларускі айцішнік перабраўся на Філіпіны, а там усё жорстка13

«Настаў час крыху адступіць». Сабаленка расказала, што заставалася за кадрам яе няўдалага сезона4

Ізраіль загрузіў мільёны фотаздымкаў у сістэму распазнавання твараў Amazon, каб сачыць за палесцінцамі7

У МУС расказалі, колькі працоўных мігрантаў прыехала ў Беларусь і колькі злачынстваў яны здзейснілі1

Як у кіно. У цэнтры Гродна 19‑гадовы хлопец з аднаго ўдару паваліў слуп13

Свет на парозе фінансавага абвалу, яшчэ больш агрэсіўны Трамп і небяспека для Тайваня. The Economist даў прагноз на 2027 год13

Жанчыне, якая арганізавала ў Мінску незалежную культурную прастору, далі пяць гадоў калоніі18

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных6

больш чытаных навін
больш лайканых навін

Ці пагражае Крыму блакада праз паралізаваны Крымскі мост?16

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць