У Гродне матацыкліст урэзаўся ў бус: і ён, і пасажырка — у рэанімацыі
Учора ўвечары, каля 22:30, у Гродне адбылося сур’ёзнае ДТЗ, у якім пацярпеў матацыкліст і яго пасажырка, піша Newgrodno.by.
34-гадовы кіроўца матацыкла «Хонда», рухаючыся па вуліцы Магістральнай у бок вуліцы Таўлая, не справіўся з кіраваннем на закругленні дарогі. Па папярэдніх даных, прычынай аварыі стала перавышэнне хуткасці.
Матацыкл выехаў на паласу сустрэчнага руху, дзе адбылося сутыкненне з аўтамабілем «Фальксваген». Разам з кіроўцам на матацыкле знаходзілася 30-гадовая пасажырка. Абодва былі ў моташлемах.
У выніку аварыі матацыкліст і пасажырка атрымалі шматлікія траўмы і былі тэрмінова шпіталізаваныя ў аддзяленне рэанімацыі.
Цяпер чытаюць
Як рыхтаваўся візіт Ціханоўскай у Кіеў і чаму ён некалькі разоў пераносіўся8
Каментары