Расія наносіць удары па азербайджанскіх нафтагазавых аб'ектах ва Украіне
У ноч на 8 жніўня 2025 года Расія нанесла атаку дронамі «Шахед» па нафтавай базе азербайджанскай кампаніі SOCAR у Адэскай вобласці Украіны. У выніку атакі ўзнік пажар, быў пашкоджаны трубаправод з дызельным палівам, піша «Економічна правда».
Пажар удалося хутка лакалізаваць, але чатыры работнікі атрымалі сур'ёзныя траўмы і былі шпіталізаваныя. Цяпер вядзецца ацэнка шкоды і праводзяцца аварыйныя аднаўленчыя работы.
Паводле ўкраінскіх праваахоўнікаў, гэтая нафтабаза была галоўнай цэллю ўдару, бо ўсе пяць дронаў трапілі менавіта туды.
Гэта другая атака за апошні час на азербайджанскія інфраструктурныя аб’екты ва Украіне. Раней удары былі нанесеныя па газаразмеркавальнай станцыі «Арлоўка», якая з'яўляецца часткай Трансбалканскага газаправода — важнага маршрута для паставак азербайджанскага газу ва Украіну.
На фоне пагроз і інфармацыйнай кампаніі ў расійскіх СМІ, дзе згадваюцца азербайджанскія аб’екты як «законныя цэлі», існуе рызыка новых удараў па інфраструктуры SOCAR ва Украіне.
28 ліпеня 2025 года Украіна ўпершыню імпартавала азербайджанскі газ праз Трансбалканскі калідор.
Азербайджан і Арменія адкрыюць транспартны калідор пры ўдзеле ЗША і без удзелу Расіі
Украіна ўпершыню атрымала азербайджанскі газ
Аліеў параіў Украіне не згаджацца на акупацыю. Z-каналы заклікаюць рыхтавацца да вайны з Азербайджанам
У Азербайджане вырашылі закрываць рускамоўныя школы
Чаму Лукашэнка не Аліеў
Каментары