Праз расійска-беларускія вайсковыя вучэнні Літва закрыла паветраную прастору на мяжы з Беларуссю
Літва закрыла паветраную прастору на частцы мяжы з Беларуссю, піша LRT. Забараніць палёты над часткай прыгранічнай тэрыторыі плануецца да 1 кастрычніка.
Бяспека паветранай прасторы была ўзмоцненая пасля двух інцыдэнтаў у ліпені, калі ў прастору краіны ўварваліся два расійскія дроны.
Як паведаміла BNS Міністэрства абароны, такое рашэнне прыняло Міністэрства транспарту на просьбу ад галоўнакамандуючага войскам.
«Гэта было зроблена з улікам сітуацыі з бяспекай і пагроз, якія ўзнікаюць для грамадства, уключаючы рызыкі для грамадзянскай авіяцыі з-за парушэнняў паветранай прасторы беспілотнікамі, а таксама з улікам неабходнасці стварыць адпаведныя ўмовы для выканання Літоўскім войскам вызначаных законам задач у мірны час пры рэагаванні на такія і падобныя парушэнні паветранай прасторы», — гаворыцца ў каментары міністэрства.
Частка паветранай прасторы на мяжы ўжо закрытая з мінулай серады. Палёты ў забароненых зонах магчымыя толькі ў выключных выпадках і толькі пасля атрымання дазволу ад галоўнакамандуючага Літоўскага войска.
Забараніць палёты над часткай прыгранічнай тэрыторыі плануецца да 1 кастрычніка.
«Можа быць падаўжэнне забароны, калі пагроза пранікнення беспілотнікаў у паветраную прастору Літвы не паменшыцца», — гаворыцца ў каментары, які перадае BNS.
Агульная даўжыня мяжы Літвы з Беларуссю складае 679 кіламетраў. У якой менавіта частцы паветраная прастора закрыта — не ўдакладняецца.
Паводле літоўскага боку, адзін з дронаў, які ўляцеў у Літву з Беларусі, нёс два кілаграмы выбухоўкі.
Прадстаўнікі войска сцвярджаюць, што абодва лятальных апараты трапілі ў Літву, бо на шляху з Расіі ва Украіну іх траекторыя палёту была збіта сродкамі радыёэлектроннай барацьбы.
Гэтыя інцыдэнты прымусілі літоўскіх чыноўнікаў больш сур’ёзна паставіцца да паветранай абароны. Па дадатковыя магчымасці супрацьдронавай абароны таксама звярнуліся ў НАТА.
-
«Вялікабрытанія павінна выкупіць Амерыку назад». Брытанскі журналіст патроліў Трампа
-
Трамп патрабуе па мільярдзе долараў ад краін за пастаяннае членства ў Радзе міру, якую ён стварае. Старшынёй будзе ён сам
-
«Make America Go Away». Дзясяткі тысяч людзей у Грэнландыі і Даніі выйшлі на акцыі супраць ЗША
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы11
Каментары