Пасля сустрэчы з Пуціным спецслужбы КНДР знішчылі ўсе сляды Кіма Чэн Ына: посуд забралі, крэсла прадэзынфікавалі
Пасля сустрэчы кіраўніка КНДР Кіма Чэн Ына з Уладзімірам Пуціным, якая адбылася 3 верасня ў Пекіне, супрацоўнікі паўночнакарэйскай дэлегацыі зачысцілі ўсе магчымыя сляды прысутнасці ДНК свайго лідара. Пра гэта распавёў журналіст крамлёўскага пула Аляксандр Юнашэў.
Паводле яго слоў, пасля перамоў супрацоўнікі спецслужб забралі шклянку, з якой піў Кім, працерлі крэсла і іншыя часткі мэблі, да якіх ён дакранаўся.
Сяргей Ганчароў, ганаровы прэзідэнт міжнароднай асацыяцыі «Альфа», у каментары для SHOT заявіў, што гэта першы вядомы выпадак, калі спецслужбы прымянілі практыку «поўнай зачысткі» слядоў лідара дзяржавы.
Паводле яго сцвярджэння, мэта такіх дзеянняў — не дапусціць, каб якія-небудзь элементы ДНК Кім Чэн Ына трапілі да замежных спецслужбаў. Карэйцы лічаць, што нельга пакідаць нічога, што магло б пашкодзіць у будучыні, мяркуе Ганчароў.
Ці выносілі ахоўнікі посуд Пуціна, не паведамляецца. Але чуткі пра жорсткі кантроль за біялагічнымі слядамі Пуціна, ходзяць даўно.
Французскае выданне Paris Match пісала, што прэзідэнт РФ Уладзімір Пуцін падчас візітаў за мяжу мае спецыяльнага ахоўніка, які збірае і дастаўляе назад у Маскву яго біялагічныя адходы — мачу і кал, каб не дапусціць аналізу яго здароўя замежнымі спецслужбамі. Паводле звестак выдання, такая практыка дзейнічае як мінімум з 2017 года.
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь3
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары