Беларуска хацела адпачыць у Турцыі, але зрабіла памылку з самага пачатку
У Мінску жанчына засталася без адпачынку і без грошай пасля таго, як яе развялі з падарожжам у Турцыю махляры.
30-гадовая мінчанка звярнулася ў міліцыю, расказаўшы, што ў сацсетках яна ўбачыла рэкламу турыстычных паслуг і звязалася з менеджарам, які прапанаваў паездку па выгаднай цане.
Далей яны перапісваліся ў месенджары: жанчына даслала фота пашпарта для браніравання і зрабіла аванс у 30% ад кошту тура. Пазней прадстаўнік турфірмы даслаў скрыншот, нібыта гатэль забраніраваны, і папрасіў аплаціць астатнюю суму.
Пасля пераводу грошай кантакт з «прадстаўніком кампаніі» быў страчаны. Агульны памер нанесенай ім шкоды склаў больш за 2500 рублёў.
Па факце махлярства распачатая крымінальная справа.
Каб пазбегнуць такіх сітуацый іншым людзям, ім рэкамендуюць не рабіць купляў у сацсетках, калі там патрабуюць поўную аплату загадзя, не давяраць водгукам і лайкам, якія могуць аказацца фальшывымі, выбіраць надзейных прадаўцоў і правяраць іх рэпутацыю праз пошукавыя сістэмы.
Цяпер чытаюць
Што вядома пра арышт і зняволенне сенатара Ігара Сяргеева, дырэктара Беларускага цэментнага завода3
Што вядома пра арышт і зняволенне сенатара Ігара Сяргеева, дырэктара Беларускага цэментнага завода
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары