Свет1414

Джэй Дзі Вэнс: Трамп не бачыць ніякіх прычын, каб эканамічна ізаляваць Расію пасля вайны

Віцэ-прэзідэнт ЗША Джэй Дзі Вэнс у інтэрв’ю тэлеканалу One America News Network заявіў, што перамовы паміж Расіяй і Украінай наблізіліся да вырашальнай стадыі і цяпер засяроджаныя на двух асноўных пытаннях — тэрытарыяльных патрабаваннях Масквы і гарантыях бяспекі для Кіева.

Джэй Дзі Вэнс. Фота: Kent Nishimura / Getty Images

Па словах Джэй Дзі Вэнса, Расія настойвае на атрыманні каля 6 тысяч квадратных кіламетраў украінскіх тэрыторый, якія пакуль яшчэ не знаходзяцца пад яе кантролем. Гэта адно з ключавых патрабаванняў Масквы на перамовах.

Украінскі бок, у сваю чаргу, робіць акцэнт на тым, што без надзейных гарантый бяспекі ніякая дамоўленасць немагчымая. Кіеў хоча мець упэўненасць, што Расія пасля заключэння пагаднення не вернецца праз некаторы час з новымі патрабаваннямі і спробамі пашырыць сваю тэрыторыю. Такія гарантыі, на думку ўкраінцаў, павінны быць дадзеныя еўрапейскімі краінамі або іншымі міжнароднымі саюзнікамі.

Вэнс назваў дасягнуты прагрэс «неверагодным», але падкрэсліў, што галоўнае пытанне — ці будуць бакі гатовыя пайсці на канчатковы кампраміс. Ён заўважыў, што ход падзей можа развівацца па-рознаму: дамоўленасць можа быць падпісаная ўжо праз месяц, а можа, наадварот, канфлікт працягнецца яшчэ год, што будзе азначаць новыя тысячы, а магчыма і мільёны чалавечых ахвяр.

ЗША, паводле яго слоў, перадаюць адзіную пазіцыю і Маскве, і Кіеву: вайну неабходна спыніць, бо яна не ў інтарэсах ні Расіі, ні Украіны, ні саміх ЗША, ні Еўропы.

Акрамя таго, Вэнс сказаў, што прэзідэнт ЗША Дональд Трамп «не бачыць ніякіх прычын», для таго, каб эканамічна ізаляваць Расію, «акрамя працягу канфлікту». І дадаў, што амерыканскі лідар можа імкнуцца да больш цесных эканамічных сувязяў з Расіяй, калі вайна ва Украіне скончыцца.

«Ён хоча, каб забойствы спыніліся. А што тычыцца мірнага ўрэгулявання, то ён адкрыты для цэлага шэрагу эканамічных пагадненняў, якія выгадныя Злучаным Штатам», — сказаў Вэнс у эфіры One America News Network.

Паводле яго слоў, пасля завяршэння мірнага ўрэгулявання ў Вашынгтона «могуць быць вельмі прадуктыўныя эканамічныя адносіны» як з Кіевам, так і з Масквой. Ён таксама адзначыў, што «незалежна ад таго, падабаецца вам Расія ці не, ці згодныя вы з глыбіннымі прычынамі канфлікту», нельга забывацца, што Расія багатая на прыродныя рэсурсы.

Каментары14

  • Ну-ну
    10.09.2025
    Ну чо, расчахляйце свае гэтыя прэсныя аднатыпныя капіпасты пра «плян Рэйгана», пра «нафту за 0,000 даляраў» і, вядома, што ЧЫТАЙЦЕ ПЕРШАКРЫНІЦЫ і ЎСЁ ПРАВІЛЬНА КАЖА ПАЗЬНЯК :D :D :D
  • Gg
    10.09.2025
    [Рэд. выдалена]
  • как говорил джентельмен
    10.09.2025
    с россией будем дружить

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

«Працаваў у дальнабоі больш за 20 гадоў». Што вядома пра загінулага ў страшным ДТЗ у суботу пад Старымі Дарогамі кіроўцу грузавіка?2

Памерла партызанка Клаўдзія Сяргеева. Ёй было 98 гадоў4

У Мінску запусцяць паліцэйскія дроны з Дубая, якія самі, без аператараў, вылятаюць з боксаў ВІДЭА3

«Тры шэрагі зніклі за долю секунды». Беларусы зноў не могуць патрапіць на навагоднія шоу ў цырку

Зяленскі, а таксама ў Крамлі пракаментавалі ўдар па Крымскім мосце9

«У цябе апошні дзень». Беларускі айцішнік перабраўся на Філіпіны, а там усё жорстка13

«Настаў час крыху адступіць». Сабаленка расказала, што заставалася за кадрам яе няўдалага сезона4

Ізраіль загрузіў мільёны фотаздымкаў у сістэму распазнавання твараў Amazon, каб сачыць за палесцінцамі7

У МУС расказалі, колькі працоўных мігрантаў прыехала ў Беларусь і колькі злачынстваў яны здзейснілі1

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць