Прадстаўнік Прэзідэнта ЗША Джон Коўл на сустрэчы ў Мінску перадаў Аляксандру Лукашэнку ліст ад Дональда Трампа — стрыманы і дыпламатычны.
Ліст адрасаваны «прэзідэнту Рэспублікі Беларусь».
«Паважаны спадар Лукашэнка,
Меланія далучаецца да мяне ў тым, каб накіраваць вам найлепшыя пажаданні з нагоды вашага дня нараджэння.
Мы асабліва рады адзначыць выдатныя вынікі беларускай спартсменкі Арыны Сабаленкі, якая нядаўна ўдзельнічала ў Адкрытым чэмпіянаце ЗША ў Нью-Ёрку. Яна прадстаўляе сваю краіну найлепшым чынам, і мы ведаем, што вы павінны ганарыцца яе дасягненнямі.
Гледзячы наперад у наступны год, мы молімся за ваша здароўе і дабрабыт, а таксама за ўмацаванне сяброўскіх адносін паміж народамі Злучаных Штатаў і Беларусі», — гаворыцца ў лісце
Джон Коўл асабліва адзначыў той факт, што прэзідэнт ЗША ў канцы падпісаў ліст «Дональд». «Ён вельмі рэдка падпісваецца сваім першым імем. Гэта асаблівы знак дружбы», — перадае словы прадстаўніка Трампа Белта.
-
Больш за 60 чалавек затрыманыя пасля канцэрта Макса Каржа ў Франкфурце-на-Майне. Са сцэны спявак заклікаў спыніць вайну ва Украіне
-
Рыжанкоў спадзяецца на пацяпленне адносін з Польшчай
-
Протаіерэй Андрэй Лемяшонак паскардзіўся на праверкі. І назваў паездкі манашак Свята-Елісавецінскага манастыра па Еўропе «гераічнымі»
Каментары