Лукашэнка: Амерыканская дэлегацыя ў нас рэгулярна тут бывае. Мы з імі вядзем пэўныя перамовы
«Мы ўстаканім сітуацыю», — сказаў Лукашэнка.
Падчас размовы ў рэканструяваным комплексе «Лошыцкі» Лукашэнка згадаў пратэсты 2020 года, чарговы раз назваўшы іх мяцяжом, піша БелТА.
«Вы малайцы. Мы з вамі ў 2020 годзе перажылі мяцеж. Разумелі, што магло б быць. Цяпер вы разумееце, гледзячы на Украіну. А мне даводзіцца кожны дзень працаваць з гэтым. Ведаеце, амерыканская дэлегацыя ў нас рэгулярна тут бывае. Мы з імі вядзем пэўныя перамовы. Мы ўстаканім сітуацыю. Зробім так, як гэта трэба для нас», — сказаў Лукашэнка
Нагадаем, што ўчора ў выніку візіту ў Мінск амерыканскай дэлегацыі на волю выйшлі 52 палітвязні, 21 чэрвеня пасля ранейшага візіту амерыканцаў на волі аказалі 16 палітвязняў.
Учора выступаючы перад журналістамі і беларускай грамадскасцю каля амерыканскага пасольства ў Вільні спецпасланнік Трампа Джон Коўл, які вярнуўся з Мінска, не выключыў новых вызваленняў найбліжэйшымі месяцамі.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары