На дне беларускага возера знайшлі старажытнае паселішча. Яго месца вучоныя трымаюць у тайне
У Беларусі дайверы і археолагі знайшлі на дне аднаго з азёр сляды вялікага старажытнага паселішча. Дакладнае месца пакуль не раскрываецца, каб прадухіліць дзейнасць чорных капальнікаў, расказвае АНТ.
Паводле даследчыкаў, на дне добра праглядаюцца рэшткі пабудоў, размешчаных па крузе — гэта гарадзішча прыкладна 50—55 метраў у дыяметры. Глыбіня вады над аб’ектам невялікая — каля 4—5 метраў, але бачнасць амаль нулявая, таму асноўныя даследаванні вядуцца з дапамогай рэхалота.
Першыя знаходкі былі зробленыя на невялікай пляцоўцы памерам усяго 3×3 метры. Сярод іх — срэбраныя скроневыя кольцы, якім мінімум 800 гадоў, і іншыя ўпрыгажэнні, якія датуюцца не пазней за Х стагоддзе. Усяго паднялі каля 50 артэфактаў.
Таксама знайшлі фрагменты ляпной керамікі жалезнага веку, што сведчыць: месца было заселена яшчэ за некалькі стагоддзяў да нашай эры.
Навукоўцы адзначаюць, што комплекс добра захаваўся, бо быў хутка заліты вадой пасля пажару, верагодна, падчас ваеннага канфлікту.
Цяпер знаходкі кансервуюць і рыхтуюцца да далейшых даследаванняў. Восенню або зімой плануецца поўнамаштабнае даследаванне, пасля якога будзе названая дакладная геалакацыя паселішча. Археолагі не выключаюць, што далейшыя раскопкі дазволяць выявіць рэчы эпохі неаліту.
-
Забіты ў Польшчы расійскі мастак адну з карцін прадаў за $20 тысяч і заданаціў УСУ, а апошнія месяцы атрымліваў пагрозы пасля таго, як пачаў высмейваць Кадырава
-
Фатограф з Калінкавічаў засудзіў Маскоўскі заапарк, які выкарыстаў без дазволу яго фота норкі
-
«Гэта яго падушка бяспекі». На трасе пад Мінскам заўважылі незвычайны спосаб перавозкі шын
Цяпер чытаюць
Лукашэнка: Пры цяперашнім цячэнні вайны Беларусь з Расіяй не змаглі б абараніць беларускай мяжы ад Украіны32
Каментары
[Зрэдагавана]