Дэпутаты Еўрапарламента ў адмысловай заяве заклікалі беларускія ўлады раскрыць месцазнаходжанне Мікалая Статкевіча і спыніць прымусовую дэпартацыю палітвязняў.
Дэлегацыя па сувязях з Беларуссю ў Еўрапейскім парламенце выказала глыбокую заклапочанасць знікненнем Мікалая Статкевіча, аднаго з найбольш вядомых лідараў апазіцыі і палітычных зняволеных у Беларусі, гаворыцца ў заяве
Пасля нядаўняга вызвалення з турмы спадара Статкевіча гвалтоўна даставілі на мяжу з Літвой, дзе ён адмовіўся ад дэпартацыі і вырашыў застацца на радзіме. З таго часу яго месцазнаходжанне застаецца невядомым.
«Адмова беларускіх уладаў раскрыць яго месцазнаходжанне і стан выклікае сур'ёзныя асцярогі, што ён зноў трапіў пад варту. Гэтая сітуацыя ўяўляе сабой гвалтоўнае знікненне — грубае парушэнне міжнароднага права, як падкрэслівае Amnesty International. Дэлегацыя падкрэслівае, што ўлады Беларусі нясуць поўную адказнасць за жыццё і бяспеку спадара Статкевіча», — звяртаюць увагу еўрапарламентарыі.
«Мікалай Статкевіч здаўна сімвалізаваў мужнасць, годнасць і рашучасць беларускага народа ў барацьбе за свабоду. Яго выбар застацца са сваім народам, нягледзячы на гады зняволення і катаванняў, з'яўляецца сведчаннем сапраўднага лідарства і ахвярнасці», — гаворыцца ў заяве.
Еўрадэпутаты заклікалі ўлады Беларусі:
неадкладна раскрыць месцазнаходжанне і стан Мікалая Статкевіча,
гарантаваць яго бяспеку і свабоду,
спыніць практыку выкарыстання палітычных зняволеных у якасці разменных манет,
і безумоўна вызваліць усіх, хто знаходзіцца ў зняволенні за рэалізацыю сваіх асноўных правоў.
«Мы таксама заклікаем улады Беларусі пакласці канец практыцы гвалтоўнай дэпартацыі былых палітычных зняволеных. Усім грамадзянам Беларусі павінна быць гарантавана права свабодна жыць і працаваць у сваёй краіне. Гэта патрабуе поўнай рэабілітацыі былых палітычных зняволеных, неадкладнага спынення іх пераследу і стыгматызацыі, а таксама прыняцця эфектыўных мер для падтрымкі іх рэінтэграцыі ў грамадства», — гаворыцца ў заяве.
Знікненне Статкевіча еўрадэпутаты называюць не толькі нападам на аднаго чалавека, але і нападам на саму надзею на дэмакратычную Беларусь.
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы
Жонка Статкевіча расказала, пра што паспела паразмаўляць з ім
«Вызвалены» Статкевіч знайшоўся ў калоніі Глыбокага
«Уяўляю раз'юшанасць Лукашэнкі ад учынку Міколы Статкевіча»
Спарыш: Статкевіч перанёс інфаркт
«Мікола знік, а змагары яго нават не шукаюць». У інфармацыйнай спецаперацыі беларускіх службаў змяніліся акцэнты
Каментары