Сястра засцерагла пажылую мінчанку ад пераводу махлярам усіх грошай
У міліцыю звярнулася 67‑гадовая мінчанка, якой патэлефанавалі лжэсупрацоўнікі аператара сувязі і Нацбанка.
Сястра ўратавала пажылую мінчанку ад пераводу махлярам усіх грошай, паведамляе прэс-служба міліцыі.
У міліцыю звярнулася 67‑гадовая мінчанка, якой патэлефанавалі лжэсупрацоўнікі аператара сувязі і Нацыянальнага банка. Яны пераканалі мінчанку ў тым, што з дапамогай яе нумара і банкаўскага рахунку здзяйсняюцца махінацыі на гандлёвай інтэрнэт-пляцоўцы.
Таму цяпер жанчына абавязана выплаціць 40 тысяч ашуканым людзям. Пенсіянерка спалохалася і паверыла, што ў яе кватэры пройдзе ператрус, а ўсе наяўныя грошы канфіскуюць. Каб гэтага не адбылося, мінчанка паклала свае назапашванні на картку. Br8 тыс. яна перавяла на нібыта бяспечны рахунак, але пасля гэтага картку заблакавалі. Аферысты парэкамендавалі ёй адкрыць яшчэ адну картку, аднак там транзакцыя не прайшла.
Пенсіянерка ўвесь час заставалася на сувязі з ашуканцамі, з-за чаго адмяніла паездку да сястры. Прычыну жанчына назваць не змагла, патлумачыўшы, што гэта «таямніца следства». Пачуўшы гэта, сваячка параіла пенсіянерцы неадкладна тэлефанаваць у міліцыю.
Каментары
[Зрэдагавана]