Тэхнабанк перастае вяртаць грошы па Tax Free. Як цяпер забіраць ваты?
З 22 верасня беларусы больш не змогуць вяртаць у Беларусі грошы за пакупкі за мяжой, аформленыя па сістэме Tax Free Global Blue, як гэта было раней.
Што змянілася
Кліентам, якія раней карысталіся паслугамі Global Blue, разаслалі па пошце паведамленне, што вяртанне Tax Free праз аддзяленні Тэхнабанка, які быў беларускім аператарам сэрвіса, будзе недаступнае.
Прыпыненне выплат тлумачаць зменамі ў аперацыйных працэсах.
На сайце банка пазначана, што з 22 верасня 2025 года Тэхнабанк прыпыняе выплаты грашовых сродкаў па чэках Tax Free кампаніі Global Refund Holdings AB.
Як цяпер вяртаць ПДВ з замежных пакупак?
Як і раней, грошы можна вярнуць на банкаўскую картку (калі гэта магчыма з улікам санкцыйных абмежаванняў для вашага банка), наяўнымі ў аэрапорце або ў офісах Global Blue пры наступнай паездцы за мяжу.
Зрэшты, некаторыя падарожнікі могуць вяртаць падатак на даданую вартасць і непасрэдна ў крамах — але калі крама зарэгістраваная ў сістэме VAT Refund.
Для гэтага неабходна звярнуцца да прадаўца пры наступным візіце ў краіну, дзе быў набыты тавар. Перавага такой сістэмы ў тым, што вы атрымаеце амаль 100% выплачанага вамі падатку на даданую вартасць.
Пры афармленні Tax Free праз Global Blue сэрвіс забірае сабе каля 40% ад сумы вяртання.
Цяпер чытаюць
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары