Сёння ў Стакгольме быў абвешчаны нобелеўскі лаўрэат па літаратуры. Ім стаў венгерскі пісьменнік Ласла Краснагаркаі.
Пісьменніка адзначылі «за яго пераканаўчую і прароцкую творчасць, якая ва ўмовах апакаліптычнага тэрору зноў пацвярджае сілу мастацтва».
Ласла Краснагаркаі нарадзіўся ў 1954 годзе ў Дзьюле. Першы твор напісаў у 1977 годзе. Праславіўся пасля выхаду рамана «Сатанінскае танга» ў 1985 годзе. Сярод яго найбольш вядомых раманаў таксама — «Меланхолія супраціву» і «Сі-ван-му тут сярод нас». Некаторыя творы Краснагаркаі экранізаваныя. У 2015 годзе ён атрымаў Букера.
У мінулым годзе пераможцай стала паўднёвакарэйская пісьменніца Хан Ган, у 2023 годзе нарвежац Юн Фосэ. У 2015 годзе — беларуская пісьменніца Святлана Алексіевіч.
У пятніцу а 12‑й абвесцяць лаўрэата Нобелеўскай прэміі міру, а завершыцца Нобелеўскі тыдзень у наступны панядзелак намінацыяй па эканоміцы.
Пастар Грэм на «Чыжоўка-арэне» папрасіў маліцца за Лукашэнку і Пуціна. А сам маліўся за Трампа55
Каментары