З 10 кастрычніка 2025 года прыпынілі ліцэнзію ТАА «Атлас нерухомасці», якое займалася наймам жылля, а таксама ануляваныя пасведчанні аб атэстацыі рыэлтара кіраўніка арганізацыі і аднаго з супрацоўнікаў.
Міністэрства юстыцыі паведаміла, што прычынай стала парушэнне заканадаўства: арганізацыя брала аплату паслуг найму жылля загадзя, перад тым як кліенту падабралі кватэру і падпісалі акт аказання паслуг, што забаронена законам. Акрамя таго, з кліентамі працавалі неўпаўнаважаныя асобы замест афіцыйных рыэлтараў.
На час прыпынення ліцэнзіі «Атлас нерухомасці» не можа ажыццяўляць рыэлтарскую дзейнасць, кліентам рэкамендавана скасаваць наяўныя дамовы.
У красавіку ў Беларусі прайшлі рэйды па агенцтвах нерухомасці: сілавікі прыходзілі без папярэджання, забіралі тэхніку і дакументы, арыштоўвалі кіраўнікоў. Асноўнай прычынай ператрусаў называлі сістэматычныя парушэнні: ухіленне ад падаткаў, атрыманне грошай абыходнымі шляхамі і выплата заробкаў «у канвертах».
Цяпер чытаюць
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе28
Каментары