«Не каралям!» У ЗША прайшлі маштабныя акцыі пратэсту супраць Трампа. Той адказаў у сваёй манеры
Больш за сто тысяч чалавек выйшлі на вуліцы Нью-Ёрка, а таксама ў іншых буйных гарадах Злучаных Штатаў, каб выказаць пратэст супраць палітыкі і дзеянняў Дональда Трампа.

Праціўнікі Трампа бачаць пагрозу дэмакратыі ў яе кіраўніцтве.
Яны вінавацяць Трампа, што пасля вяртання ў Белы дом ён неабмежавана выкарыстоўвае прэзідэнцкую ўладу, актыўна прымяняе ўказы для блакавання фінансавання, ухваленага Кангрэсам, распускае ўрадавыя агенцтвы, уводзіць маштабныя пошліны ў дачыненні да іншых краін і размяшчае войскі Нацыянальнай гвардыі ў гарадах, нават нягледзячы на пярэчанні губернатараў штатаў.
Трамп выклаў у адказ на пратэсты ролік, створаны штучным інтэлектам, на якім знішчальнік «Кароль Трамп» палівае брудам удзельнікаў акцый пратэсту.
Віцэ-прэзідэнт ЗША Джэй Дзі Вэнс таксама апублікаваў ролік з «каралём» Трампам, перад якім укленчваюць вядомыя дзеячы Дэмакратычнай партыі, у тым ліку Нэнсі Пелосі. Трамп гэты ролік перапосціў.
-
У Расіі заявілі, што ўдзел Еўропы ў перамовах па Украіне з імі не ўзгадняўся. Хоць Уіткаф і Кушнер сцвярджалі адваротнае
-
Ле Пен: Францыя пры мне не будзе аказваць Украіне новай фінансавай дапамогі, але папярэднія абавязацельствы выканае
-
Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары