Пачынаюць завочна-пасмяротна судзіць за генацыд яшчэ аднаго карніка Другой сусветнай
Вярхоўны суд пачне сёння судовы разгляд а крымінальнай справе ў дачыненні да Аляксандра Ярмольчыка, які нарадзіўся ў 1915 годзе, а памёр у 1984 годзе. Яго абвінавачваюць у генацыдзе (арт. 127), паведамляе БелТА.
Паведамляецца, што Ярмольчык, пераследуючы мэту планамернага знішчэння беларускага народа, восенню 1941 года добраахвотна ўступіў у ваенізаванае падраздзяленне дапаможнай паліцыі, якое дыслакавалася ў Хойніках. З чэрвеня 1942 года ён узначальваў гэта падраздзяленне.Устаноўлена 25 эпізодаў яго злачыннай дзейнасці.
Яму інкрымінаваныя забойствы, у тым ліку здзейсненыя з асаблівай жорсткасцю.
Судовы разгляд па справе Ярмольчыка ўжо пяты ў дачыненні нацысцкіх карнікаў. 17 кастрычніка быў вынесены абвінаваўчы прысуд у дачыненні да Восіпа Вініцкага. Карнік прызнаны вінаватым у генацыдзе беларускага народа без прызначэння пакарання ў сувязі з тым, што абвінавачваны памёр.
Раней так былі асуджаныя Уладзімір Катрук, Канстанцін Смоўскі, Сымон Серафіновіч.
Каментары