Пятая частка кантэнту, які YouTube прапануе новым карыстальнікам, створана штучным інтэлектам
Больш за 20% відэа, якія YouTube рэкамендуе новым карыстальнікам, — гэта нізкаякасны кантэнт, створаны штучным інтэлектам. Даход ад праглядаў такіх ролікаў складае каля 117 мільёнаў даляраў на год, паведамляе Guardian са спасылкай на даследаванне кампаніі Kapwing.
Аналітыкі апыталі 15 тысяч самых папулярных YouTube-каналаў у свеце, у тым ліку 100 найлепшых у кожнай краіне, і выявілі, што 278 каналаў змяшчаюць толькі ШІ-кантэнт. Сумарна гэтыя каналы набралі больш за 63 мільярды праглядаў і 221 мільён падпісчыкаў.
У якасці эксперыменту даследчыкі стварылі новы канал і высветлілі, што з 500 першых рэкамендаваных відэа 104 былі нізкаякасным ШІ-кантэнтам.
Хоць YouTube увёў абмежаванні на «неаўтэнтычны кантэнт», у гэтым годзе амаль 10% каналаў, якія найхутчэй растуць, публікавалі відэа, створаныя ШІ.
Сярод самых папулярных ШІ-каналаў у свеце:
- Bandar Apna Dost (Індыя) — 2,4 мільярды праглядаў, 4,25 мільёна даляраў даходу; паказвае прыгоды малпы і мускулістага персанажа.
- Pouty Frenchie (Сінгапур) — 2 мільярды праглядаў, 4 мільёны даляраў; прыгоды французскага бульдога.
- The AI World (Пакістан) — 1,3 мільярда праглядаў; паказвае прыродныя катастрофы ў Пакістане.
Найгоршая ў Еўропе. Беларусь сярод аўтсайдараў у сусветным рэйтынгу ШІ
«Чалавекам года» па версіі Time сталі адразу васьмёра «архітэктараў штучнага інтэлекту»
«Выдаліце неадкладна»: эксперты заклікалі бізнэс тэрмінова заблакаваць ШІ-браўзеры
The New York Times падала ў суд на стартап, заснаваны беларусам
Трагедыя з 30‑гадовай доктаркай са Старобіна — пайшла выдаляць зуб мудрасці і памерла24
Каментары