У якіх беларускіх банкаматах можна зняць грошы з замежнай карты і колькі гэта каштуе
Бывае сітуацыя, калі беларусы жывуць або працуюць за мяжой, а прыязджаючы дадому, не заўсёды могуць разлічыцца сваёй карткай або зняць з яе наяўныя. З такой жа праблемай сутыкаюцца і турысты. Office Life высветліў, у банкаматах якіх банкаў можна свабодна здымаць грошы з замежных картак, якія па іх дзейнічаюць ліміты і памеры камісій.
Далёка не ўсе банкі ў краіне працуюць з замежным «пластыкам». Калі казаць пра банкаматы, то толькі ва прыладах Альфа Банка, Беларусбанка, Белгазпрамбанка, БНБ-Банка, БСБ Банка, МТБанка, Paritetbank, Прыёрбанка і Банка «Рашэнне» можна здымаць наяўныя з карт і Visa, і Mastercard, і МІР.
З усіх пералічаных больш за ўсё магчымасцей прапануе Белгазпрамбанк — ён яшчэ працуе з карткамі UnionPay. Беларусбанк таксама прымае UnionPay, але пры наяўнасці сістэмы МІР у банкаматах наяўныя па іх здымаць нельга.
У прыладах Белаграпрамбанка працуюць толькі карткі Mastercard і МІР, у Neo Bank — толькі Visa.
Астатнія банкі (акрамя Статусбанка і Цэптар Банка) прымаюць у сваіх прыладах з замежнага «пластыку» толькі МІР. Звяртаем увагу, што ў Статусбанка няма банкаматаў, Цэптар Банк працуе толькі з беларускімі карткамі.
Амаль усюды ліміт на зняцце — максімум 2100 рублёў
Амаль ва ўсіх банкаматах устаноўлены ліміты на зняцце з карт банкаў-нерэзідэнтаў. Максімальную суму для зняцця (2100 рублёў) прапануюць Белінвестбанк, Банк ВТБ, Paritetbank і Тэхнабанк. Мінімальны ліміт — у Банку БелВЭБ — 980 рублёў у месяц. А вось у БНБ-Банку лімітаў няма.
Аднак трэба мець на ўвазе, што банк — эмітэнт «пластыку» можа ўсталёўваць свае асабістыя ліміты і камісіі, якія будуць спаганяцца разам з узнагароджаннем беларускага банка.
Калі неабходна зняць больш за 2100 рублёў у месяц, можна звярнуцца ў касу банка, які праводзіць аперацыі з замежнымі карткамі (падрабязней — у табліцы), але ўсюды будзе спісвацца ўзнагароджанне (акрамя Банка БелВЭБ) і спатрэбіцца пашпарт.
У якіх банках можна зняць грошы з замежнай карткі
Цяпер чытаюць
Місію дэмакратычных сілаў Беларусі ва Украіне ўзначаліла Вольга Зазулінская7
Місію дэмакратычных сілаў Беларусі ва Украіне ўзначаліла Вольга Зазулінская
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары