У дажджавіках і па калена ў гразі. Чыноўнікаў у дождж пагналі на суботнік, сам Лукашэнка не пайшоў
Учора па краіне праводзілі суботнік, нягледзячы на моцны дождж. Працаваць адправілі і чыноўнікаў.
Раман Галоўчанка, старшыня Нацбанка і былы прэм'ер, у дажджавіку і гумовых ботах саджаў дрэвы.
Высаджваць алею ў так званым парку Народнага адзінства адправілася і старшыня Савета Рэспублікі Наталля Качанава.
Міністр замежных спраў Максім Рыжанкоў разам з дыпламатамі пад парасонамі высаджваў ліпы ў Мінску — на алеі 80‑годдзя ААН.
Кіраўнік Гродзеншчыны Юрый Караеў разам з супрацоўнікамі аблвыканкама паехаў у Скідзельскае лясніцтва. Там яны добраўпарадкавалі тэрыторыю ля помніка воінам-інтэрнацыяналістам, паставілі новую лаўку для наведвальнікаў і высадзілі маладыя дрэвы ў дэндрапарку.
Больш пашанцавала прэм'еру Аляксандру Турчыну, які працаваў у памяшканні — на будоўлі хірургічнага корпуса №2 мінскай абласной клінічнай бальніцы.
Міністр аховы здароўя Аляксандр Хаджаеў таксама быў на будоўлі — новага корпуса РНПЦ дзіцячай анкалогіі, гематалогіі і імуналогіі.
Аляксандр Лукашэнка на гэты раз на суботніку не з'явіўся, хоць звычайна таксама прысутнічае і павучае чыноўнікаў, як правільна працаваць рукамі.
-
«Я так далёка забралася. Шкада толькі, што не магу паказаць гэта тату». Як жыве дачка Паўла Шарамета праз 10 гадоў пасля яго гібелі
-
Стаў вядомы прысуд падпалкоўніку Чарамных, якога абвінавачвалі ў здрадзе дзяржаве
-
«Адчула плявок — і ўсе смяюцца». У польскім Быдгашчы сям'я напала на мужа і жонку з Беларусі
Цяпер чытаюць
«Я так далёка забралася. Шкада толькі, што не магу паказаць гэта тату». Як жыве дачка Паўла Шарамета праз 10 гадоў пасля яго гібелі2
Каментары