Да канца 2025‑га ў сталіцы маюць намер пачаць будаўніцтва пуцеправода праз чыгуначную дарогу па вул. Калеснікава — Ціміразева. Пра гэта распавёў дырэктар «Гардарбуда» Сяргей Панёў, пішуць «Мінск-навіны».
Па словах С. Панёва, вузел у месцы з’езда на кальцавую дарогу ў раёне старога рынку «Лебядзіны» — адзін з загружаных пунктаў МКАД.
— Мы заканчваем распрацоўку праектнай дакументацыі і плануем да канца года прыступіць да будаўніча-мантажных работ па ўзвядзенні пуцеправода праз чыгуначную дарогу па вул. Калеснікава — Ціміразева, — удакладніў дырэктар «Гардарбуда». — Гэта даволі складаны аб’ект, але адначасова вельмі цікавы.
— Дамо такі негалосны старт фарміраванню трэцяга кальца па тэрыторыі Мінска шляхам злучэння вул. Калеснікава і Ціміразева, з далейшай магчымасцю выхаду транспартнага патоку на прасп. Незалежнасці. Думаем, гэта дасць станоўчы эфект у частцы разгрузкі дадзенага вузла, знікнуць заторы з кальцавой дарогі над станцыяй «Ждановічы».
Акрамя таго, цяпер завяршаецца распрацоўка праектнай дакументацыі для ўладкавання пераходна-хуткасных палос, якія забяспечаць бяспечныя выезд і ўезд з транспартнага патоку ў Шабанах. Таксама ў планах — арганізаваць дадатковы бяспечны выезд з вул. Машынабудаўнікоў.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары
Пуцеправод, не мост. Мост - праз водны аб'ект, што ў выкарыстанні разам з "Лябяжым" прымушае думаць, што ён праз нейкі канал заказніка Лебяжы, Свіслач або сам пруд Лебяжы.
Цяжка здагадацца, што напісана пра пуцеправод праз чыгунку, нават з улікам, што ўжо ведалі, што ён будзе.