Супраць былога камандзіра спецназа Уладзіміра Барадача завялі крымінальную справу
На былога камандзіра спецназа ў Мар'інай Горцы Уладзіміра Барадача завялі крымінальную справу і правялі ператрус у яго мінскай кватэры. Пра гэта ён напісаў у фэйсбуку.
«Пасля ператрусу, праведзенага ў маёй кватэры ў горадзе Мінску 6 лістапада 2025 года, я даведаўся, што супраць мяне ўзбуджана крымінальная справа. Не разумею, чаму праваахоўныя органы заводзяць і вядуць гэтую крымінальную справу ў таямніцы ад мяне. Зрабіў запыт у Першамайскае РУУС аб прадастаўленні мне магчымасці даваць неабходныя следству паказанні. У мяне няма таямніц перад законам, народам і Айчынай. Чакаю адказу», — напісаў Барадач.
73‑гадовы Уладзімір Барадач — былы спецназавец, ветэран вайны ў Афганістане, палкоўнік запасу (Лукашэнка пазбавіў яго гэтага звання ў 2021 годзе).
З 1988 па 1991 год камандаваў 5‑й асобнай брыгадай спецыяльнага прызначэння, якая дыслакавалася ў Мар'інай Горцы.
Пасля распаду СССР стаў актыўным удзельнікам грамадскага жыцця. У 1992 годзе быў адным з ініцыятараў стварэння Саюза беларускіх афіцэраў і ўдзельнічаў у гістарычнай цырымоніі прыняцця афіцэрамі прысягі на вернасць Беларусі. У 1993 годзе звольніўся ў запас.
Барадач удзельнічаў у грамадскім расследаванні знікнення былога міністра ўнутраных спраў Юрыя Захаранкі.
У 2010 годзе быў вымушаны пакінуць Беларусь і атрымаў палітычны прытулак у Германіі.
Цяпер чытаюць
Cцяпан Латыпаў трэці раз спрабаваў здзейсніць суіцыд у турме3
Cцяпан Латыпаў трэці раз спрабаваў здзейсніць суіцыд у турме
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1313
Каментары
[Зрэдагавана]