Хрэстаматыйны верш для дзяцей ад Янкі Купалы выйшаў кніжкай-кардонкай
Выдавецтва «Вільма» выпусціла кнігу для дзяцей. Каляровая кніжка-кардонка для самых маленькіх змяшчае верш-забаўлянку «Бай» аўтарства класіка беларускай літаратуры Янкі Купалы, піша bellit.info.
Верш-песня пра Бая — гэта аўтарская апрацоўка трыдыцыйнай народнай забаўлянкі для дзяцей. Ілюстрацыі намалявала Ульяна Наўроцкая, мастацкая рэдактарка — Ганна Шчуко.
«Забаўлянка — ужо напаўзабыты жанр дзіцячага фальклёру, — тлумачаць у выдавецтве, — Але дарма, бо ён вельмі лёгка ўспрымаецца маленькімі дзецьмі праз сваю рытмічную форму, мелодыку і просты сюжэт. Адпаведна спрыяе развіццю маўлення, слыху і фантазіі. А «Бай» яшчэ і пазнаёміць дзетак з беларускай традыцыяй у вясёлай і даступнай форме».
Кніга створаная для сумеснага сямейнага чытання з самымі маленькімі.
- Бегаў бай па сцяне
- У чырвоным кафтане.
- Байку баіў. Ай, лю-лі!
- Жылі пчолкі у вуллі…
- Баіць ці не?
- — Баіць!
Кнігу можна набыць праз сайт Kniger.by, а таксама ў краме ў ГЦ «Купалаўскі» пад Кастрычніцкай плошчай (ралеты 41-42, час працы з пн па пт з 11 да 18.30, сб з 11 да 17, ндз з 11 да 16).
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары