Стала вядома, з кім яшчэ сустракаўся Дзмітрый Лукашэнка ў Інданезіі
Сярэдні сын Аляксандра Лукашэнкі, нягледзячы на тое, што не займае пасад ва ўрадзе Беларусі, правёў перамовы з уладамі Інданезіі, піша «Салідарнасць».
Раней стала вядома, што 1 снежня Дзмітрый Лукашэнка правёў сустрэчу з міністрам сельскай гаспадаркі Інданезіі Анды Амранам Сулейманам. Паведамлялася, што сын самаабвешчанага кіраўніка Беларусі, які ўзначальвае толькі Прэзідэнцкі спартыўны клуб, абмяркоўваў пастаўкі ў Паўднёва-Усходнюю Азію калійных угнаенняў і малочнай прадукцыі.
Як аказалася, праз некалькі дзён у Дзмітрыя Лукашэнкі была іншая публічная сустрэча з прадстаўнікамі ўладаў Інданезіі — з міністрам інвестыцый Разанам Раслані.
Той напісаў у сацсетках, што абмяркоўвалі «ўмацаванне эканамічных і інвестыцыйных адносін».
У Інданезіі ў справаздачах з абедзвюх сустрэч Дзмітрыя Лукашэнку прадстаўлялі проста як сына кіраўніка Беларусі.
У ліпені прэзідэнт Інданезіі Прабова Субіянта нечакана прыляцеў у Мінск, дзе правёў сустрэчу з Аляксандрам Лукашэнкам. Французскае выданне Intelligence Online напісала, што яны абмяркоўвалі набыццё ў Беларусі зброі.
Цяпер чытаюць
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў11
Каментары