Пра гэта заявіла 11 мая кіраўнік часовага ўрада Роза Атунбаева.
Новыя ўлады Кыргызстана будуць настойваць на экстрадыцыі звергнутага прэзідэнта Курманбека Бакіева з Беларусі. Пра гэта заявіла 11 мая кіраўнік часовага ўрада Роза Атунбаева.
«Сёння кіраўнік Беларусі Аляксандр Лукашэнка ўзяў пад сваю апеку Курманбека Бакіева. Хачу сказаць, што падобныя дзеянні ўскладняюць палітычную сітуацыю ў самой Беларусі, дзе зараз актыўна прачынаецца апазіцыя. Яна жорстка выступае супраць палітыкі Лукашэнкі. Я думаю, што ён сам вінаваты ў наяўнай сітуацыі», — цытуе Атунбаеву кіргізскае інфармагенцтва 24.kg.
Атунбаева падкрэсліла, што Бакіеў павінен адказаць за свае дзеянні перад народам Кыргызстана. «Нас абвінавачваюць, што мы выпусцілі яго з краіны, але мы пайшлі на гэта, каб не дапусціць дэстабілізацыі сітуацыі ў краіне», — сказала кіраўнік часовага ўрада.
Як паведаміў журналістам на мінулым тыдні віцэ‑прэм’ер часовага ўрада Азімбек Назараў,
6 мая Генеральную пракуратура Кыргызстана накіравала ў Генеральную пракуратуру Беларусі запыт аб экстрадыцыі Курманбека Бакіева.
4 мая Аляксандр Лукашэнка зрабіў заяву, што не збіраецца выдаваць Бакіева новым уладам Кыргызстана. «Да мяне ніхто афіцыйна не звяртаўся, — сказаў ён. — Але адразу хачу афіцыйна заявіць: гэтыя звароты будуць марныя і зневажальныя для часовага ўрада. Прэзідэнт Кыргызстана знаходзіцца пад абаронай беларускай дзяржавы і прэзідэнта. Не трэба гэтак званаму часоваму ўраду звяртацца з патрабаваннем выдаць Бакіева. Каму выдаць? Ці захачу я яшчэ мець зносіны з тымі, хто сёння ва ўладзе ў Кіргізіі».
Цяпер чытаюць
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго8
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца1010
Каментары