У Расіі сёлета выдалі на вайну на 20% больш грошай, чым было запланавана
Вайсковыя выдаткі расійскага бюджэту ў 2025 годзе амаль на 20% перавысяць першапачаткова запланаваны ўзровень. Пра гэта паведаміў міністр абароны РФ Андрэй Белавусаў падчас пасяджэння калегіі ведамства, піша The Moscow Times.
Са слоў Белавусава, агульныя выдаткі Міністэрства абароны дасягнуць 7,3% валавага ўнутранага прадукту, што складае каля 15,9 трыльёна расійскіх рублёў (амаль 197 мільярдаў даляраў). Гэта на 2,4 трыльёна рублёў (каля 29 мільярдаў) больш, чым было прадугледжана ў бюджэце на 2025 год (6,2% ВУП, ці 13,5 трыльёна рублёў (каля 162 мільярдаў даляраў).
У параўнанні з 2024 годам вайсковы бюджэт вырас амаль у паўтара раза, а калі параўноўваць з 2021 годам — павялічыўся ў 4,5 разы.
Выдаткі, якія непасрэдна звязаныя з вайной ва Украіне, складуць 5,1% ВУП, ці каля 11,1 трыльёна рублёў (каля 133,2 мільярда даляраў). У сярэднім гэта прыкладна 213 мільярдаў рублёў (2,56 мільярда даляраў) на тыдзень — сума, супастаўная з гадавым бюджэтам буйных расійскіх рэгіёнаў. Гэтыя лічбы Белавусаў агучыў у прысутнасці прэзідэнта Расіі Уладзіміра Пуціна.
Разам з тым міністр адзначыў, што вайсковыя выдаткі, не звязаныя з баявымі дзеяннямі, у выніку скарачэнняў і пераносу часткі праграм былі зніжаныя з 2,7% ВУП у 2024 годзе да 2,2% у 2025-м. А вось частка бюджэту, якая тычыцца «спецыяльнай ваеннай аперацыі», істотна павялічылася.
На 2026 год расійскія ўлады плануюць выдаць «на абарону» 12,93 трыльёна рублёў (155,16 мільярда даляраў), што складзе каля 5,5% прагназаванага ВУП. Калі ж улічыць таксама выдаткі на нацыянальную бяспеку, то агульныя выдаткі на войска, паліцыю і спецслужбы дасягнуць 16,84 трыльёна рублёў (каля 202 мільярдаў даляраў) — гэта каля 38% усіх бюджэтных выдаткаў краіны.
Мерц параўнаў Пуціна з Гітлерам, правёў паралелі з 1938 годам і сказаў, што будзе рабіць Еўропа
Рутэ: Мы наступная цэль Расіі, і мы павінны быць гатовыя да вайны маштабаў той, якую перажылі нашы бабулі і дзядулі
Рутэ з іроніяй пракаментаваў грозныя заявы Пуціна
Перад сустрэчай з Уіткафам і Кушнерам Пуцін заявіў, што гатовы да вайны з Еўропай
Цяпер чытаюць
«Ёсць у Беларусі людзі, якім не падабаецца расійскі сцяг, савецкі сцяг». Расіяніну на BMW Х7 з нямецкімі нумарамі пашкодзілі аўто ў Мінску14
Каментары
tak, усё як ў 80х, калі Пры кошце “чорнага золата” ў 15–23 даляры за барэль імперская эканоміка эсэсэра абрынулася, і бальшавіцкая імперыя сама развалілася.
"Адна з найбагацейшых сем'яў Саудаўскай Аравіі хоча набыць замежныя актывы «Лукойла»"
-NN