У Гомелі накрылі наркасетку: ад 41‑гадовага трафарэтчыка да школьніка-закладчыка
Следчы камітэт завяршыў расследаванне справы ў дачыненні да групы асоб, якія забяспечвалі працу інтэрнэт-крамы па продажы псіхатропаў.
Галоўным фігурантам стаў 41‑гадовы гамяльчук, які раней быў неаднаразова судзімы. Калі грошай на чарговую порцыю не хапіла, наркамаркет прапанаваў яму працу трафарэтчыкам. За бясплатны тавар мужчына размалёўваў горад кантактамі наркашопа. Ён сапсаваў дзясяткі аб'ектаў: фасады дамоў, прыпынкі, агароджы і трансфарматарныя падстанцыі. У маі, калі трафарэтчык прыйшоў забіраць абяцаную закладку, яго затрымала міліцыя.
Следства выйшла на тых, хто пакінуў тайнік для яго. Затрыманымі аказаліся зусім маладыя людзі: вучань 11‑га класа адной з гомельскіх школ і трэцякурснік мясцовага каледжа.
Падлеткі спакусіліся «лёгкімі грашыма» і сталі закладчыкамі. Менавіта яны зрабілі апошнюю закладку, на якой папаўся 41‑гадовы фігурант.
Затрымалі таксама яшчэ аднаго 36‑гадовага пакупніка.
Зараз усе чатыры фігуранты справы знаходзяцца пад вартай. Ім пагражаюць працяглыя тэрміны зняволення.
Каментары