Лукашэнка: Да канца гэтага года мы павінны мець свае боепрыпасы да артылерыйскіх сістэм
Да канца гэтага года ў Беларусі павінна быць наладжана вытворчасць айчынных боепрыпасаў да артылерыйскіх сістэм. Аб гэтым Аляксандр Лукашэнка заявіў 10 лютага на нарадзе па пытаннях аснашчэння Узброеных Сіл і развіцця ваенна-прамысловага комплексу Беларусі.
«У наступным годзе, нават да канца гэтага года, мы павінны мець свае боепрыпасы. Хадавыя боепрыпасы. Перад намі стаяла калісьці пытанне аб уласнай вытворчасці патронаў. Мы гэтае пытанне вырашылі. Гранатамёты будуць мець сваё месца ў любым баі, асабліва ў нас, у сувязі з тымі ўмовамі, якімі мы маем, прыроднымі ўмовамі. Таму стрэлы для гранатамётаў павінны быць свае. І трэба разумець, што ўсе боепрыпасы могуць добра захоўвацца. І мы ў дастатковай колькасці можам іх вырабляць і пакласці на склад», — цытуе Лукашэнку яго прэс-служба.
Лукашэнка папярэдзіў за адказнасць па тэрмінах: «Як арганізавана вытворчасць у сувязі з маім даручэннем? І хачу папярэдзіць усіх — барані вас Гасподзь сарваць гэтае мерапрыемства па тэрмінах».
Лукашэнка зноў загаварыў пра пагрозу, гэтым разам — з боку Польшчы, але «з улікам спецыяльнай ваеннай аперацыі Расійскай Федэрацыі».
«Нарошчванне вайсковай кампаненты ля нашых межаў, асабліва з боку Польшчы, нас не проста насцярожвае. Мы разумеем, што гэта проста так не робіцца. Людзі грошы проста так на танкі і боепрыпасы не марнуюць. Таму ў свой час мною было прынята рашэнне з улікам спецыяльнай ваеннай аперацыі Расійскай Федэрацыі заняцца ўмацаваннем нашай абараназдольнасці яшчэ ў больш сур'ёзных маштабах», — сказаў ён.
Каментары