Прэзідэнт ЗША Дональд Трамп заявіў, што прэм’ер-міністр Індыі Нарэндра Модзі пагадзіўся спыніць закупкі расійскай нафты. Са слоў Трампа, такое рашэнне можа паспрыяць больш хуткаму завяршэнню вайны Расіі супраць Украіны. Пра гэта ён напісаў у сваёй сацыяльнай сетцы Truth Social пасля размовы з індыйскім лідарам, піша «Еўрапейская праўда».
Трамп паведаміў, што падчас гутаркі бакі абмяркоўвалі розныя тэмы, у тым ліку гандаль і сітуацыю вакол вайны ва Украіне.
Са слоў прэзідэнта ЗША, Модзі гатовы адмовіцца ад расійскай нафты і замест гэтага павялічыць закупкі ў Злучаных Штатах, а магчыма і ў Венесуэле. Трамп мяркуе, што гэта дапаможа спыніць вайну, у якой, як ён адзначыў, штотыдзень гінуць тысячы людзей.
Акрамя таго, Трамп заявіў, што краіны дамовіліся пра гандлёвае пагадненне: ЗША знізяць мыты на індыйскі імпарт з 25% да 18%, а Індыя ўвядзе нулявыя мыты на амерыканскія тавары і абавязуецца купляць больш прадукцыі з ЗША.
У сваю чаргу, Еўрапейская камісія найбліжэйшым часам плануе прадставіць прапановы да 20‑га пакета санкцый супраць Расіі, які могуць ухваліць 24 лютага — у гадавіну пачатку поўнамаштабнай вайны. Францыя настойвае, каб гэты пакет быў асабліва жорсткім, у тым ліку ў дачыненні да так званага «ценявога флоту» РФ.
Еўрасаюз абмяркоўвае поўную забарону марскіх перавозак расійскай нафты
Расійскі танкер, эфектна затрыманы Францыяй у Міжземным моры, адпусцяць плаваць далей
Ценявы флот Пуціна пад пагрозай — 14 краін Еўропы хочуць заблакаваць яго ў Балтыйскім моры
ЗША прапанавалі Індыі замяніць расійскую нафту на венесуэльскую
Каментары
іван, так Трамп ваш ці не ???) ЦІСНІ СПАДАР ТРАМП, ЦІСНІ МАЦНЕЙ !!!
"ЗША затрымалі ўжо шосты замежны танкер, звязаны з Венесуэлай"
-NN
У сваю чаргу, Еўрапейская камісія найбліжэйшым часам плануе прадставіць прапановы да 20‑га пакета санкцый супраць pасіі, які могуць ухваліць 24 лютага — у гадавіну пачатку поўнамаштабнай вайны. Францыя настойвае, каб гэты пакет быў асабліва жорсткім, у тым ліку ў дачыненні да так званага «ценявога флоту» РФ."
Трамп працуе на нашу справу і гэта цудоўна ! Трамп ведае добра справу Р. Рэйгана В., і дзед вова наступны