Грамадства1919

«Выслухаю ваша ныццё. Дорага». Дыпламаваны спецыяліст Ілля Дабратвор прапануе псіхалагічныя кансультацыі

Былы актывіст БНФ Ілля Дабратвор, які ў апошнія гады працуе таксістам у Варшаве, прапануе паслугі ў яшчэ адной сферы.

Ілля Дабратвор. Фота: фэйсбук

Пра тое, што гатовы браць кліентаў, Дабратвор напісаў у фэйсбуку. Вось як ён апісаў сваю магчымую працу:

«Зусім не талерантны псіхолаг. Выслухаю ваша ныццё, дапамагу знайсці рашэнні вашых праблем, але ныць з вамі не буду. Ні разу не ліберал. Дорага, але гэта таго вартае […] Калі няма грошай, то вам псіхолаг не патрэбны, вы — абсалютна нармальны чалавек».

Дабратвор расказаў «Нашай Ніве», што і раней ладзіў прыватныя кансультацыі, але апошнім часам больш займаўся палітычнымі тэхналогіямі — ён называе іх памежнай галіной паміж псіхалогіяй і палітыкай.

Цяпер Ілля вырашыў працаваць псіхолагам публічна і паспрабаваць знайсці новых кліентаў:

«Адсочваю розныя псіхалагічныя суполкі ў сеціве і даўно назіраю, што ў плане кансультацый прысутнічае крызіс. Большасць людзей, якія спрабуюць дапамагчы [у гэтай галіне], не маюць нармальнай псіхалагічнай адукацыі. Большасць так званых псіхолагаў — гэта людзі, якія скончылі нейкія курсы, гэта інфацыганы.

Мне як прафесійнаму псіхолагу асабліва балюча глядзець на тое, што кажуць тыя з іх, хто мае шмат падпісчыкаў у фэйсбуку ці інстаграме, хто мае вялікую аўдыторыю. Людзі проста бачаць іх і думаюць, што гэта прафесійныя псіхолагі, але на самой справе гэта інфацыганы».

Ілля лічыць, што трэба мець універсітэцкую адукацыю ў галіне псіхалогіі, каб называць сябе псіхолагам:

«Ён мусіць мець дыплом, дзе напісана, што ён псіхолаг, а не паперку, выдадзеную невядома кім, ці дыплом, набыты ў пераходзе. Але я бачу, што большасць з тых, хто займаецца псіхалогіяй, не з’яўляюцца псіхолагамі, яны працуюць хутчэй як шарлатаны ці сектанты. Яны проста недзе нешта прачыталі і чамусьці пайшлі працаваць. Гэтыя псіхолагі з кухняў павыходзілі ў людзі і чамусьці пачалі кансультаваць іншых людзей. Некаторыя мае знаёмыя звярталіся да псіхолагаў, і я не бачыў у іх станоўчых вынікаў ад той працы. Так, яны бралі грошы. Гэта, напэўна, іх галоўная мэта, гэта яны добра ўмеюць».

У самога Іллі ёсць адукацыя па спецыяльнасці «Псіхолаг, выкладчык псіхалогіі». Атрымаў ён яе ў прыватным Міжнародным гуманітарна-эканамічным інстытуце, яго дыплом выдадзены ў 2004‑м годзе. Ілля ўдакладняе, што там працавалі выкладчыкі з БДУ і БДПУ.

Фота: архіў суразмоўцы

Ці была ў Дабратвора праца па гэтай спецыяльнасці? Кажа, што так:

«У нас кожныя паўгода [навучання] была практыка, і гэта была практыка ва ўсіх галінах, дзе можа працаваць псіхолаг — школа, дзіцячы садок, псіхіятрычная бальніца. 

Калі гутарыў з палякамі, звярнуў увагу, што польская псіхалагічная адукацыя на галаву ніжэйшая, чым беларуская. Мы вывучалі і псіхааналіз, і гештальт-тэрапію, і біхевіярызм, то-бок розныя падыходы, вывучалі розныя метады ў той жа сацыяльнай псіхалогіі. А ў Польшчы такога няма, там вывучаюць толькі адзін падыход, зацверджаны Еўропай ці Еўракамісіяй, іншага меркавання ў іх быць не можа. І псіхолагі з Усходу на галаву мацнейшыя, чым тыя, хто атрымаў польскую адукацыю».

Дабратвор расказвае пра тое, што пасля атрымання дыплома працаваў у школе як сацыяльны педагог, потым меў два-тры кліенты на год як псіхолаг. Паводле яго слоў, гэта была індывідуальная праца і кліенты, якіх ён вёў шмат гадоў.

Апошні кліент у яго быў у мінулым годзе. Праўда, шмат папрацаваць з ім не атрымалася, бо ў чалавека быў занадта складаны псіхалагічны стан, Дабратвор парэкамендаваў яму звярнуцца да псіхіятра.

Колькі ж каштуюць псіхалагічныя сесіі з Дабратворам?

«Ад 200 злотых за гадзіну (каля $55 — «НН»). Гэта нармальны кошт. Танныя псіхолагі каштуюць 80‑100 злотых за гадзіну ($22‑28 — «НН»), але я цаню свой прафесіяналізм, свой час, і не гатовы працаваць за 100 злотых», — кажа таксіст.

Ілля гатовы працаваць і з сямейнымі праблемамі, пры гэтым вядома, што некалькі гадоў таму яго ўласная сям'я развалілася. Ці не паўплывае гэта на яго магчымую дапамогу парам?

Дабратвор упэўнены, што паўплывае:

«Мой досвед — якраз тое, што трэба, бо я ўжо ведаю на сябе ўсе магчымыя акалічнасці. І сям'я развалілася ў тым ліку праз непрафесійных псіхолагаў і ініцыятывы».

«Наша Нiва» — бастыён беларушчыны

ПАДТРЫМАЦЬ

Каментары19

  • Выпускніца ПТУ імя Танка.
    11.02.2026
    Каб стаць насамрэч добрым псіхолагам, пасля педзюльніка трэ яшчэ гадоў дзесяць сур'ёзна адвучыцца, і пажадана не працягваць адукацыю там. У Іллі, канешне, самаацэнка огого, але ж ён можа чалавеку ў крызісе нашкодзіць толькі сваімі парадамі і імкненнем да гуруізма. Патэнцыйныя кліенты, бяжыце падалей, нават калі тапкі згубіце.
  • Satan
    11.02.2026
    Зараз, выязжаю! Але, калі я пачну ныць, Ілля першы заплакае))
  • Слушайте
    11.02.2026
    Ну не первое ж апреля, чтоб такие шутки давать))))))))))

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны8

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

«Лукашэнка ведае, што задумвае Пуцін, і вельмі гэтага баіцца». Чалы пра пагрозу новай вайны41

Алесь Бяляцкі сустрэнецца з чытачамі ў Варшаве, Кракаве і Уроцлаве1

Адна з самых масавых газет Расіі напісала пра «зняцце табу на ліквідацыю» Зяленскага4

У Беларусі ўсё больш машын у продажы. Старыя карчы яшчэ складаней прадаць?3

Украіна нанесла ўдар па аэрадроме Ахтубінска каля Астрахані, у глыбіні Расіі3

Акцёр з «Купалы» выклаў у вольны доступ ШІ-фільм, які прынёс яму 450 тысяч даляраў1

Эйсмант разлічвае, што на перамовах па Украіне спрацуюць беларускія карані Кушнера15

У Мінску пасля пяці месяцаў працы закрываецца піцэрыя Foca1

З Кастрычніцкай у Мінску знік партрэт Караткевіча. Аўтар патлумачыў, чаму замяніў яго9

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны8

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць