Фактычнае закрыццё Армузскага праліва, праз які праходзіць каля 30% сусветных паставак ЗВГ (звадкаванага прыроднага газу), прывяло да рэзкага росту цэн на газ.
Еўропа закупляе звадкаваны газ пераважна ў ЗША, аднак глабальная канкурэнцыя за паліва можа абвастрацца, бо азіяцкія краіны ў асноўным імпартуюць яго менавіта з Блізкага Усходу, піша Moscow Times.
Цана газавага ф’ючэрса Dutch TTF у Еўропе паднялася ў панядзелак раніцай да 40,8 еўра, што на 27,5% вышэй за цану закрыцця ў пятніцу. Да 12:00 цана крыху знізілася — да 39,2 еўра/МВт·г ($484 за 1000 кубаметраў), рост склаў 22,5%. Гэты скачок стаў самым значным са жніўня 2023 года.
На выходных пасля пачатку бамбардзіровак сіламi ЗША і Ізраіля, якія прывялі да гібелі аяталы Алі Хаменеі і шэрагу ваенных і палітычных лідараў Ірана, апошні абвясціў пра спыненне гандлю праз Армузскі праліў да наступнага паведамлення, а затым падбіў тры танкеры. Некалькі танкераў, што накіроўваліся ў Катар і ААЭ для загрузкі ЗВГ, сталі затрымлівацца або мяняць маршрут, адзначае Bloomberg.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм13
Каментары